(இ - ள்.) வளை எறி தரங்கம் - சங்குகளை வீசுகின்ற அலைகளை
யுடைய, ஞான வாவியை - ஞான தீர்த்தத்தை, நோக்கில் - தரிசித்தால்,
பாவத் தளை அறும் - பாவத்தொடங்கு நீங்கும்; மூழ்கின் - மூழ்கினால்,
வேண்டும் காமியம் எல்லாம் சாரும் - விரும்புகின்ற பொருள்களனைத்தும்
வந்து கூடும்; உளம் உற மூழ்கும் எல்லை - மனம் பொருந்த மூழ்குங்கால்,
முழுக்கு ஒன்றற்கு - ஒவ்வொரு முழுக்கிற்கும், உலகத்து உள்ள -
உலகங்களிலுள்ள, அளவு அறு தீர்த்தம் எல்லாம் - அளவிறந்த தீர்த்தங்கள்
எல்லாவற்றினும், ஆடிய பயன் வந்து எய்தும் - ஆடியதனால் வரும் பயன்
வந்து பொருந்தும் எ - று.

     காமியம் - விரும்பிய பொருள். மூழ்கு மெல்லை - மூழ்குமிடத்து.
தீர்த்தமெல்லாவற்றிலும் என்க. (17)

     (இ - ள்.) மெய்யை மண் ஆதி கொண்டு - உடலைமண்
முதலியவைகளைக் கொண்டு, விதிவழி - விதிப்படி, சுத்தி செய்து -
தூயதாக்கி, மை அறு - குற்றமற்ற, வருண சூத்த மந்திரம் நவின்று மூழ்கில்
- வருண சூக்க மந்திரத்தை உச்சரித்து நீராடில் (அது), துய்ய மா தீர்த்தம்
எல்லாம் தோய்ந்து - புனிதமான பெருமைபொருந்தியய தீர்த்தங்கள்
எல்லாவற்றினும் மூழ்கி, நான்மறையும் ஆய்ந்தோர் கையில் - நான்கு
வேதங்களையும் ஆராய்ந்துணர்ந்த மறையவர் கையில், எப்பொருளும் ஈந்த
- (அவர்கள் விரும்பிய) பொருள் அனைத்தையும் தானஞ்செய்தலால் வரும்,
காசு அறு பேறு நல்கும் - குற்றமற்ற பயை நல்கும் எ - று.

     மண்ணாதியாவன :- ஒன்பது வகை மண்ணும், எழுவகைத் தளிரும்,
பஞ்ச கவ்வியமும் ஆம்; இதனை,