அன்னம் - அன்னப்பறவை யானது, நீர் பிரித்து - நீரை ஒதுக்கி, உண்ணும்
தூய தீம்பால் போல் - தூய்மையோடு கூடிய இனிய பாலை உண்ணுவது
போல, சுந்தரன் சரிதம் தன்னை - சோமசுந்தரக்கடவுளின்
திருவிளையாடலை, கொள்க - கொள்ளக்கடவர் எ - று.

     உம்மை, உயர்வு சிறப்பு. கவி - ‘கொங்குதேர் வாழ்க்கை’ என்னும்
முதலையுடைய செய்யுள். குற்றங் கூறியவர் - நக்கீரர்; இவ்வரலாற்றை
இப்புராணத்திலுள்ள தருமிக்குப் பொற்கிழி யளித்த படலத்தால் அறிக.
அன்னம் பால் உண்ணுவதுபோல எனப் பிரித்துக் கூட்டப்பட்டது. நீர்
பிரித்து என்றதற்கேற்ப என் சொற் குற்றத்தை நீக்கி என உரைத்துக்கொள்க.
(26)

     (இ - ள்.) கொழும் தழல் - கொழுவிய அக்கினியின், கவை நா -
பிளவுபட்ட நாவினால், சுவைகண்ட - சுவைகாணப்பெற்ற, ஊன் - ஊன்கள்,
இமையோர் - தேவர்கள், சுவைக்க - சுவைத்துண்ண, இன் அமிழ்து ஆயின
- இனி அமழ்தமாயின; (அதுபோல), சிறியனேன் பனுவல் - சிறியேனுடைய
செய்யுட்கள், துளக்கம் இல் சான்றோர் - ஐயந்திரிபில்லாத புலவர்களின்,
அவைக்களம் புகுந்து - அவைக் களஞ்சென்று, இனியவாய் -
மதுரமுடையனவாய், ஆலவாய் உடையார் - திருவாலவாயுடைய இறைவரின்,
செவிக்களம் புகுந்து ஏறுவ - திருச்செவியினிடத்தில் சென்று
பொருந்துவனவாம் எ - று.

     தழல் - வேள்வித்தீ. கொழுந்து அழல் எனப் பிரித்தலும் ஆம்.
துளக்கம் - நடுக்கம். அவைக்களம் : இருபெயரொட்டுப் பண்புத் தொகை.
அவைக்களம் புகுந்து என்றது சான்றோரால் கேட்டுத் துகளறுக்கப்பட்டு
என்றபடி. (27)

     (இ - ள்.) கார் பாயவாரி உண்டு - மேகமானது பரந்த கடல் நீரைப்
பருகி, உவர் கெடுத்து - (அதிலுள்ள) உப்பைப்போக்கி, உலகு எலாம் பருக
- உலகிலுள்ளாரனைவரும் உண்ணும்படி, தூய ஆக்கிய என - தூயவாகும்
படி செய்தாற்போல, சொல்பொருள் தெளிந்தோர் ஆய - சொல்லையும்
பொருளையும் குற்றமற உணர்ந்தோராகிய, கேள்வியர் - கேள்வி வல்லுநர்,

     (பா - ம்.) * கவைக்கொழுந் தெழுநா.