வேட்ட : வினையாலணையும் பெயர்; வேள் : பகுதி. வேட்டவாங்
கென்பது வேட்டாங் கென்றாயிற்று; ஆங்கு : உவமச்சொல். இருப்பது,
போல்வது என்பன தொழிற்பெயர்கள். (35)

     (இ - ள்.) திரைவளைக் கழுத்து - கடலின்றோன்றிய சங்குபோரும்
கழுத்து, தசைந்து - தசைவுற்று, நால்விரலின் அளவது ஆய் - நான்கு
அங்குர அளவினையுடையதாய், திரண்டு - உருட்சியாய், மூன்று இரேகை
வரைபடின் - மூன்று இரேகையாகிய வரையினைப் பொருந்தி யிருக்குமாயின்,
கொழுநன் அகில மன்னவன் ஆம் - அப்பெண்ணின் கணவன் எல்லா
வுலகிற்கும் அரசனாவான்; மார்பகம் - மார்பிடமானது, தசைந்து -
தசையுடையதாய், மூவாறு விரல் அளவு அகன்று - பதினெட்டங்குல
அளவுபரந்து, மயிர் நரம்பு அகன்று மிதந்ததேல் விழுமிது ஆம் - மயிரும்
நரம்புமில்லாமல் உயர்ந்திருக்குமாயின் நன்மையுடையதாம்; வேய்த்தோள் -
மூங்கில்போன்ற தோள்கள், புரை அறத் தசைந்து - குற்றமறத் தசைப்பற்று
உடையனவாய், மயிர் அகன்று - மயிரில்லாமல், என்பு புலப்படா மொழிய -
எலுமபு தோன்றாத மொழிகளையுடையன (ஆயின்), கோமளம் ஆம் -
நன்மையாம் எ - று.

     திரை கடலுக்கு ஆகுபெயர். இரேகை, வரை யென்பன ஒரு பொருளன.
மொழி தோள் முதலியவற்றிலுள்ள கரடு; இது முளியெனவும் வழங்கும்,
மொழியவாயின் என விரிக்க. '36)

     (இ - ள்.) செங்கை சிவந்த கைகள், நீண்டு உருண்டு கணுக்கள்
பெற்று அடையவே சிறுத்திடில் - நீண்டு உருண்டு கணுக்களையுடையனவாய்