வட்ட வடிவாய், தசைவடு - தசைப்பற்றுடையதாயின் (நன்மையாம்); சங்கை -
கணைக்கால்கள், மயிர் நரம்பு தங்கிடாது - மயிரும் நரம்பும் இல்லாமல்,
உருட்சியாய் அடைவே சிறுத்து - திரண்டு முறையே சிறுத்து, சமவடிவாய்
அழகு அடைந்தவாம் - (தம்மில்) ஒத்த வடிவாய் அழகுடையனவாயின்
(நன்மை) ஆகும்; சிரை என்பு அறத் தசைந்து - நரம்பும் எலும்பும் இன்றித்
தசைந்து, யாமை முதுகு எனத் திரண்டு உயர்ந்து - யாமையின் முதுகுபோலத்
திரண்டு உயர்ந்து, அழகு மங்கலம் பொலிந்த - அழகினாலும் பொலிவினாலும் விளங்கிய, புற அடி மடந்தை - புறவயினையுடைய பெண், மன்னவன் பன்னி
ஆம் - அரசனுக்கு மனைவியாவாள் எ - று.

     ஆம் என்பதனை அடைந்தவாம் எனப் பிரித்துக் கூட்டுக. சிரை -
நரம்பு. மன்னும் ஓவும் அசைகள். (40)

     (இ - ள்.) அல்லி அம் கமலக் கால் விரல் - அகவிதழையுடைய
அழகிய தாமரை மலர் போன்ற காலின் விரல்கள், உயர்ந்து தூய வாய்
அழகவாய் - உயர்ந்து தூய்மையுடையனவாய் அழகியனவாய், கழு நீர் மெல்
இதழ் நிரைத்தாங்கு - செங்கழுநீர் மலரின் மெல்லிய இதழ்களை வரிசைப்பட
வைத்தாற்போல, ஒழுங்கு உறத் திரண்டு - ஒழுங்கு பெறத் திரண்டு, வால்
உகிர் - வெள்ளிய நகங்கள், வெள்மதிப் பிளவு புல்லிய போன்று - வெள்ளிய
மதியின் பிளவுகள் அவ் விரல்களைப் பெதருந்தியன போலப் (பொருந்தப்
பெற்று), மெல்லிய வாகி - மென்மையுடையனவாய், புகர் அறத் தசைந்தன
(நன்று) - குற்றமின்றித் தசையுடையனவாயின் நன்மையாம், அகத்தாள் -
உள்ளங் கால்கள், சொலலிய தசைவும் மென்மையும் சமமும் துகள் அறப்
படைத்தன நன்று - நூலிற் கூறிய தசைப் பற்றும் மென்மைத் தன்மையும்
சமனாதலும் குற்றமறப் பெற்றனவாயின் நன்மையாம் எ - று.

     திரண்டு உகிர் பொருந்தப் பெற்று மெல்லியவாகி யென்க. நன்று
என்பது முன்னும் கூட்டப்பட்டது. ஆல் : அசை. (41)