நீறு அணி மார்பும் - (முப்புரியாகச்) செய்த பூணூல் கிடந்து அசையும்
புண்ணிய வடிவாகிய திருநிற்றினை அணிந்த மார்பும், நீழல் பொலிய
விரிந்தது ஓர் தனிக்குடையும் - நிழல் விளங்க விரிந்ததாகிய ஓர் ஒப்பற்ற
குடையும், தண்டு ஊன்றிக் கவிழ்ந்து அசையும் மெய்யும் - தண்டினை
ஊன்றி அதனோடு கவிழ்ந்தசைகின்ற திருமேனியும், தாங்கி - ஆகிய
இவைகளைக் கொண்டருளி.

     கரிந்த நீள்கயல் - புறத்தே கருநிறமுடைய நீண்ட கயல். முள்ளின்,
இன் ஒப்புப்பொருட்டு. திரைகவுள் : வினைத்தொகை. கனைத்தல் - இருமல்.
நரை முததலியவற்றைப் பொலிய என்பதனோடு முடித்து, கடையும் மெய்யும்
தாங்கி என்றுரைத்தலுமாம். (20)

     (இ - ள்.) விருத்த வேதியராய் - மூப்பினையுடைய மறையவராய்,
ஒருத்தராய் - தனியராய், பல பகல் உண்டி கழிந்த பசியினர்போல் -
பலநாட்கள் உணவு இன்மையால் நேர்ந்த பசியினை யுடையார்போல,
உயங்கி வாடி வந்து அகம்புகுத - வருந்தி வாட்டமுற்று வந்து இல்லில்
நுழையாநிற்க, கண்டு எழுந்து மீதூர் அன்பின் கருத்தளாய் - (அதனைப்)
பார்த்து எழுந்து மேலோங்கும் அன்பினையுடைய எண்ணமுடையவளாய்,
தவிசு இருத்திக் கைதொழுது - அவரை ஆசனத்தில் அமர்த்திக் கைகூப்பி
வணங்கி நின்று, சிவனை இங்கு காண - சிவபெருமானை இங்குத் தரிசிக்க,
என்னவருத்தம் மாதவம் உடையேன் என - என்ன வருந்திச் செய்த பெரிய
தவத்தினை உடையேன் என்று சொல்ல, முனிவர் உன்பால் பசித்து வந்தேம்
என்றார் - முனிவர் உன்னிடத்திற் பசியுற்று வந்தேம் என்று கூறியருளினார்.

     ஒருத்தராய் - வேறு துணை யில்லாதவராய் கழிந்த என்னும்
பெயரெச்சம் காரணப்பொருட். சிவனை, முன்னிலையிற் படர்க்கை வந்தது.
சிவனடியாரைச் சிவன் என்று கூறுதல் மரபு; தேவரீர் என்பது போல;
வைணவர்கள் பெருமாள் என்று கூறுதலுங் காண்க. உண்மையுந் தோன்ற இங்கே ‘சிவனை’ எனக் கூறினார். என்ன தவம் என்க. (21)