(இ - ள்.) சென்னி வெண் திங்கள் மிலைச்சிய - முடியின்கண்
வெள்ளிய பிறையை யணிந்த, மதுரைச் சிவன் அருள் அடைந்த சம்பந்தர் -
மதுரைப் பதியில் எழுந்தருளிய சோமசுந்தரக் கடவுளின் திருவருளைப்
பெற்ற திருஞானசம்பந்தர், துன் இருள் சமணை - செறிந்த கூட்டமாகிய
சமணர்களை, கழுமுனை ஏற்றி - கழுநுனியில் ஏற்றி, துணித்தவாறு
இசைத்தனம் - துண்டித்த திருவிளையாடலைக் கூறினேம்; வணிகக்கன்னி
தன் மன்றல் கரியினை - ஓர் வணிகமகளின் மணச் சான்றினை, மாற்றாள்
காண - அவள் மாற்றாள் காணுமாறு, அக்கண்ணுதல் அருளால் -
அவ்விறைவன் திருவருளால், வன்னியும் கிணறும் இலிங்கமும் -
வன்னிமரமும் கேணியும் சிவலிங்கமும், ஆங்குவந்தவாறு - அங்கு வந்த
திருவிளையாடலை, இனி எடுத்து உரைப்பாம் - இனி எடுத்துக் கூறுவாம்.

     சமண், குழூஉப் பெயர். வென்றவர் சம்பந்தராகலின் 'சம்பந்தர் ...
கழுமுனை யேற்றித் துணித்தவாறு' என உபசரித்துக் கூறினார். (1)

     (இ - ள்.) பொன்மலர்க் கைதை வேலிசூழ் - பொன்போலு
மலரையுடைய தாழையாகிய வேலிசூழ்ந்த, வேலைப் புறத்து ஒரு பட்டினத்து
உள்ளான் - கடற்கரையிலுள்ள ஒரு பட்டினத்திலுள்ளவனாகிய, மின்மணிக்
கொடும்பூண் ஒரு குலவணிகன் - ஒளிபொருந்திய மணிகளழுத்திய வளைந்த
அணிகளை யணிந்த சிறப்புடைய வணிகனொருவன், வேறு வேறு ஆம் பல
செல்வத் தன்மையில் சிறந்தோன் - வெவ்வேறு வகையாகிய பல
செல்வங்களின் மிக்கோனா யிருந்தான்; மகவு இலனாகி - அவன்
மகப்பேறில்லாதவனாய், தன் மனக்கு இனியதோர் காட்சி - தன் மனத்துக்கு
இனியதொரு தோற்றத்தையுடைய, நல்மனைக் கொடியோடு - நல்ல மனைக்
கிழத்தியுடனே, பல அறம் புரிந்து - பலவகை அறங்களைப் புரிந்து, ஓர்
நகை மதிக் கொம்பை ஈன்று எடுத்தான் - ஒளிபொருந்திய மதியை ஏந்திய
பூங்கொம்புபோன்ற ஒரு புதல்வியைப் பெற்றெடுத்தான்.

     (பா - ம்.) * எடுத்தினி துரைப்பாம்.