முகத்தினும் மார்பினும் பட்ட புண்ணை விழுப்புண் என்பவாகலின்,
புறங்கொடார் என்பது கருத்து. தம் முயிர்க் கிரங்காமையின் 'தமக்கன்
பில்லார்' எனப்பட்டார். மானவாற்றாலொழுகுதலாவது தாழ்வுவரின் உயிரை
விடுதல்,

என்றார் வள்ளுவனாரும். விஞ்சை பயில்என ஒட்டலுமாம். காட்சித்து :
குறிப்பு முற்று. எங்கும் : எழுவாய்; பன்மை யொருமைமயக்கம். (75)

     (இ - ள்.) வீங்கு கார் - சூல் முதிர்ந்த முகில்கள், மின்னை வாள்
என்ன வீசி - மின்னலை வாள்போல வீசி, தம்மில் போர் மூண்டென்ன -
தம்முள் போர் மூண்டுசெய்தாற்போல, பொரு களிறு - போர் செய்யும்
யானைகள், வால் மருப்பு - வெள்ளிய தந்தங்களை, எதிர் எதிர் நீட்டி -
எதிரேதிரே நீட்டி, புதையக் குத்தி - (உடலில்) மூழ்கும்படி குத்தி,
அன்னவான் என்ன - அந்த மேகம் சொரியும் தாரைபோல, செந்நீர் சோர
- குருதித் தாரை சொரியும்படி, பொன் அவாம் - திருமகளும் விரும்பும்
படியான, அகன்ற மார்பர் - விரிந்த மார்பினையுடைய வீரர்கள் (அவ்
யானைகளை),, ஆட்டுவார்கள் - போர் செய்விப்பார்கள் எ - று.

     மூண்டென்ன : விகாரம். அன்ன : சுட்டு. மேக மென்னும்
பொருண்மைபற்றி 'அது' என்று ஒருமையாற் கூறினார். சோர - சொரிய
என்னும் பொருட்டு. அவாவும் என்பது அவாம் என விகார மாயிற்று.
அவாவும் மார்பு, அகன்ற மார்பு எனத் தனித்தனி கூட்டுக. நீட்டி என்பது
முதலியன களிற்றின் வினைகள். (76)

     (இ - ள்.) தூண்டுவார் உளமும் - செலுத்துகின்றவர்களின்
மனோவேகமும், தங்கள் பின்னிட - தங்கள் வேகத்திற்குப் பின்னிடும்படி,
துவக்குண்டு ஈர்த்துத் தாண்டுமான் - கட்டப்பட்டு இழுத்துத் தாவுகின்ற
குதிரைகள், ஒற்றை ஆழித் தேரினும் - ஓருருளையையுடையய சூரியன்
தேரிற் பூட்டியய குதிரைகளை விட, தள்ளித்துள்ள - விரைந்து ஓடவும்,
பாண்டில் வாய் - உருளையின்கண் உள்ள; பசும்பொன் தேய - பசிய
பொன் தேயும்படியாகவும், பார்மகள் முதுகு கீண்டு - புவி மடந்தையின்
முதுகைக் கிழித்து, சேண் திசை போய் மடங்க - வானத்தினுந்
திசைகளினும் போய் மீளும்படி, செல்வத்தேர் நடாத்துவார்கள் - சிறந்த
தேர்களை நடாத்துவார்கள் (அவ்வீரர்கள்) எ - று.