ஒலி செய்யும் ஆண் வண்டானது, கற்பகம் - கற்பகச் சோலையிலுள்ள,
மதுக் கொணர்ந்து - தேனைக் கொண்டுவந்து, உவந்து ஊட்டி - மகிழ்ந்து
உண்பித்து, தழல் செய் காமம் - வெம்மையைச் செய்கின்ற காமத்தை
யுடையய, மென்பேடையின் - மென்மையான பெண்வண்டின், ஊடல் நோய்
தணிக்கும் - புலவித் துன்பத்தை ஆற்றும் எ - று.

     உழல் - முதனிலைத் தொழிற்பெயர். உயிர்க்கெலாம் - உயிர்
எல்லாவற்றுக்கும் என உருவினை மாற்றுக. தீவினையின் உருப்பற எனவும
அடியாகிய நிழல்செய்வார்க்கு எனவும், அடியினால் நிழல் செய்வார்க்கு
எனவும் விரித்தலுமாம். உயிர்க்கெலாம் நிழல் செய்வார்க்கு நிழல் செயா
நின்றதென ஓர் வியப்புத்தோன்றக் கூறியவாறு. செயாநின்ற - செய்கின்ற
வென ஒரு சொல்லுமாம். கடம்பிலுள்ள வண்டினைக் கடம்பின் வண்டு
என்றார். தொடர் புயர்வு நவிற்சியணி. (95)

     (இ - ள்.) ஆரும் நீர்க்கடல் - நிறைந்த நீரினையுடைய கடல் அது
அன்று (இது) என - அதுவன்று இதுதான் என்று சொல்லும்படி, நிறை அகழ்
- நீர் நிறைந்த அகழியும், கார் ஊரும் ஆழி - மேகந் தவழ்கின்ற
சக்கரவாளகிரி, அது அன்று (இது) என - அதுவன்று இது தான் என்று
கூறும்படி, ஓங்கு எயில் - உயர்ந்த மதிலும், எட்டாய்ச் சரரும் நேமி -
எட்டாய்ப் பொருந்திய மலைகள், அது அன்று (இவை) என - அவையல்ல
இவைதான் என மொழிய, சமைந்த கோபுரம் - அமைந்த கோபுரங்களும்,
பொன் மேரு - பொன் மயமாகிய மேருமலை, இழி சுடர் விமானம் -
வானுலகத்தினின்றும் இறங்கிய ஒளி பொருந்திய விமானமும் (அங்கு
உள்ளன) எ - று.

     அன்றது என வருவனவற்றை அது அன்று என மாற்றியும், இது
என்பதனை அருத்தாபத்தியாற்கொண்டும் உரைக்கப்பட்டது. எட்டாய்ச் சாரு
நேமியன்று என்புழிப் பன்மை யொருமை மயக்கம். மலை யென்னும்
பொதுமை நோக்கி அதுவென்றார் எனலுமாம். மலை யெட்டாவன : இமயம்,
ஏமகூடம், கந்தமாதனம், கைலை, நிடதம், நீலகிரி, மந்தரம், விந்தம் என்பன.
குலமலை ஏழென்பார் கந்தமாதனம் ஒழியக் கொள்வார். பயனிலை தொக்கு
நின்றது. இது தற்குறிப்பணியின் பாற்படும். (96)

     (இ - ள்.) வேத அந்தமும் - வேத முடிவையும், துளக்கு அற -
கலக்கமின்றி, மெய்ப்பொருள் விளங்கும் - மெய்ப்பொருள் விளங்குதற்