கீண்டு, கீழ்ந்து என்பதன் மரூஉ. அண்ட கடாகம் - அண்ட
கோளத்தின் புறவோடு. (9)

     (இ - ள்.) அவ்வழி - அக்கீண்ட வழியால், புறம்பு சூழ்ந்து கிடந்த
பேர் ஆழி - அக் கடாகத்தின் புறத்தில் சுற்றிக்கிடந்த பெரும்புறக்
கடலானது, ஊழிப் பௌவம் நீர் என்ன - ஊழிக்காலத்திற் பொங்கி எழுங்
கடல்நீர் போல, ஓங்க - மேலோங்க, பாணியால் அமைத்து - (தனது)
திருக்கரத்தல் அமைக வென அமைத்து, வேணி - சடையிலுள்ள, தெய்வ
நல் நீரைத் தூவிக் கலந்து - தெய்வத் தன்மை பொருந்திய நல்ல நீரைத்
தெளித்துக் கலந்து, மா தீர்த்தம் ஆக்கி - பெருமை பொருந்திய
தீர்த்தமாகச் செய்து, கை வரை கபாலி - கையில் ஏந்திய கபாலத்தையுடைய
இறைவன், நந்தி கணத்தினை நோக்கிக் கூறும் - நந்திதேவரையும் மற்றைக்
கணத்தலைவர்களையும் பார்த்துக் கூறுவான் எ - று.

     வரைதல் - கொள்ளுதல். நந்தி முதலிய கணமும் ஆம். (10)

     (இ - ள்.) இன்னமா தீர்த்தம் தன்னை - இந்தப் பெருமைபொருந்திய
தீர்த்தத்தை, எனைப் பல தீர்த்தங்கட்கும் - பலவகையான தீர்த்தங்க
ளெல்லாவற்றையும் தோற்றுவித்தற்கு, முன்னம் - முன்பே, யாம் இங்கு
கண்ட முதன்மையால் - நாம் இவ்விடத்து உண்டாக்கிய முதன்மையினால்,
ஆதி தீர்த்தம் என்னலாம் - ஆதி தீர்த்தம் என்று, கூறலாம்; இனி
உண்டாக்கும் - மேல் தோற்றுவிக்கும், தீர்த்தங்கள் எவைக்கும் மேலாய்
மன்னலால் - தீர்த்தங்கள் அனைத்திற்கும் உயர்வாக நிலைபெறுதலால்,
பரம தீர்த்தம் என - பரம தீர்த்தம் என்று பெயர் வழங்கலாகும் - பெயர்
கூறலாகும் எ - று.

     எனைப் பல - எத்துணையும் பலவாகிய; எனை - எல்லாமென்னும்
பொருட்டு; 'எனைவகையாற் றேறியக்கண்ணும்' என்பது காண்க. தீர்த்தங்
கட்கும் - தீர்த்தங்களைத் தோற்றுவித்தற்கும் : ஐய்தாவதன் எல்லைப்
பொருளில் வந்தது. முன்னம், அம் : அசை; பகுதிப் பொருள் விகுதியுமாம்.
கண்ட : காரணப் பொருட்டு. ஆய், ஆக. (11)