கனம் - கனகம். வரைதல் - கொள்ளலும், நீக்கலுமாம். பொய் வரை
- பொய்ம்மைநீங்கிய எனினுமாம். மரபுளி, உளி : மூன்றன் பொருள்படுவதொ
ரிடைச்சொல், முனிவராகிய ஆதி சைவருமாம். (44)

     (இ - ள்.) உத்த குலத்து நால்பெருங் குடியும் - உத்தம குலமாகிய
அந்தணர் அரசர் வணிகர் வேளாளர் என்னும் நான்கு பெருங் குடிகளும்,
உயர்ந்தவும் இழிந்தவும் மயங்க வைத்தவும் ஆன புறக்குடி மூன்றும் -
உயர்ந்தவனவும் இழிந்தனவும் கரந்தனவுமான மூன்று புறக் குடிகளும், மறை
வழுக்கா மனு வகுத்த - வேத விதி வழுவாது மனு வால் வகுக்கப்பெற்ற,
தத்தம் நெறி நின்று ஒழுக - தங்கள் தங்களுக்குரிய ஒழுக்கத்தில்
வழுவாதொழுகவும், வைதிகமும் சைவமும் தருமமும் தழைப்ப - வேதநெறியும்
சைவநெறியும் அறமும் செழித்தோங்கவும், பைத்து எழுதிரை நீர் ஞாலமேல்
- பசுமையுடையதாய்த் தோன்றும் அலைகளையுடைய கடல் சூழ்ந்த
நிலவுலகத்தில், திலகம் பதித்தென - (பாண்டி நாட்டிற்கு) ஓர் திலகம்
பதித்தாற்போல, நகர் வளம் படுத்தான் - நகரை வளப்படுத்தினான் எ - று.

     குலத்து, அத்து : வேண்டாவழிச் சாரியை. புறக்குடியுள் உயர்ந்தன -
நான்கு வருணத்தில் உயர்குல ஆணும் இழிகுலப் பெண்ணும் கூடிப் பிறந்த
அநுலோமரின் வனையெனவும், இழிந்தன - உயர்குலப் பெண்ணும் இழிகுல
ஆணும் கூடிப் பிறந்த பிரதிலோமரின் வகையெனவும் மயங்கவைத்தன -
அநுலோம பிரதிலோம ஆண் பெண் கூடிப் பிறந்த அந்தராளரும்
விராத்தியரு மென்போரின் வகையெனவும் கொள்க; இவற்றை விரிவாக
அறிய வேண்டுவோர் மிருதிகள் முதலயவற்றுட் காண்க; இவையெல்லாம்
ஆராயற்பாலன தத்தம, அ : ஆறனுருபு; தத்தமக்குரிய வென்க. (45)