(இ - ள்.) அல்லி அம் பதுமம் - அகவிதழையுடைய அழகிய
செந் தாமரை மலரும், சாதி - சிறுசண்பக மலரும், அரத்தவாய் ஆம்பல் - சிவந்த வாயையுடைய ஆம்பன் மலரும், கோடல் - செங்காந்தண் மலரும்,
வல்லிசேர் மௌவல்போது - கொடியாய்ப் படர்ந்த மல்லிகையின் மலரும்,
நூறு இதழ்மரை - நூறு இதழ்களையுடைய வெண்டாமரை மலரும், காலேயம்
- மரமஞ்சள் மலரும், மெல் இதழ் கழுநீர் - மெல்லிய இதழையுடைய
நெய்தல் மலரும், பேழ்வாய் வெள்ளை மந்தாரம் - பிளந்த வாயையுடைய
வெள்ளை மந்தார மலரும், இன்ன - ஆகிய இம்மலர்களை, சொல்லிய
முறையால் வண்டு சூழத் தம் முடி மேல் சூடி - முன்னர்க் கூறிய
முறையினால் வண்டுகள் சூழத் தமது முடியிற் சூடி எ - று.

     அல்லி - அகவிதழ். மரை : முதற்குறை. முன்னே பதுமராகம்
முதலியவற்றைக் கூறிய முறையே அவற்றுக்கு உரியவாகக் கொண்டு
சூடி என்க. (50)

     (இ - ள்.) தலத்தினைச் சுத்தி செய்து - நிலத்தைத் தூய்மை செய்து
தவிசினை இட்டு - ஆதனத்தை இட்டு, தூயநலம் துகில் விரித்து - அதன்
மேல் வெள்ளிய நன்மையாகிய ஆடையை விரித்து, தெய்வ மாணிக்கம்
நடுவே வைத்து - தெய்வத் தன்மை பொருந்திய மாணிக்கத்தை இடையில்
வைத்து, குலத்த முத்து ஆதி எட்டும் - சிறந்த முத்து முதலிய மணிகள்
எட்டினையும், குணதிசை முதல் எண் திக்கும் முறையே வலப்பட - கிழக்குத்
திக்கு முதல் எட்டுத் திக்குகளிலும் முறையே வலமாக, பானு மண்டலமாக
வைத்து - பரிதி மண்டலம் போல வைத்து எ - று.

     நலத்துகில் - நன்மையாகிய துகில் : பண்புத் தொகை. குலத்த -
சிறப்பினையுடைய : குறிப்புப் பெயரெச்சம். மண்டலமாக வலப்பட வைத்து
என்க. வலம்பட என்பது வலித்தலாயிற்று. வட்டமாகவென்பார் 'பானு
மண்டலமாக' என்றார். சூரிய மண்டிலம் சிவந்த கதிருடன் ஏனைக்
கதிர்களையும் உடையதாதலும் கொள்க. (51)

     (இ - ள்.) அன்பு உறு பதுமராகம் ஆதியாம் அராதனங்கள் ஒன்பதும்
- விருப்பமிக்க பதுமராகம் முதலாகிய ஒன்பதும் மணிகளின் மேலும்,
கதிரோன் ஆதி ஒன்பது கோளும் ஏற்றி - ஞாயிறு முதலிய ஒன்பது
கோட்களையுந் தாபித்து, முன்பு உரை கமலப்போது முதல் ஒன்பான் மலரும்
சாத்தி - முன்னே கூறிய தாமரை மலர் முதலிய ஒன்பது மலர்களையும்