என்றனர். தீமை செய்தாய் போல் என்றது தீமை செய்யாமையைக்
காட்டுகின்றது. (17)

     (இ - ள்.) பிறங்கும் கோலால் மாறுஅடு கொற்றம் பெறு வேந்தன்
- விளங்குகின்ற செங்கோலினாலே பகைவரை வெல்லும் வெற்றியையுடைய
அரசன், உறங்கும் போதும் - தூங்கும் போதும், தன் அருள் ஆணை -
அவன் அருளாணையானது, உலகு எங்கும் அறம் குன்றாவா காப்பது
என்ப - உலக முற்றும் அறங்கள் குறையாவாகக் காப்பது என்று நூலோர்
கூறுவர்; அஃது - அக்கூற்றானது, இம்மறம் குன்றாதான் செய் கொலை
காவா வழி - இக் கொலைத் தொழில் குறையாத வேடன் செய்த
கொலையைக் காவாவிடத்து, யாது என்றான் - என்ன பயனுடைத்து
என்றான்.

     அரசனது வெற்றிக்கு அவனது செங்கோல் காரணம் என்பதை,என்னும்
வாயுறைவாழ்த்தா

லறிக. "மாண்ட, அறநெறி முதற்றே யரசின் கொற்றம்" என்றார் பிறரும்.
கோலான் என்பதற்குக் கோலையுடையன் என்று பிறர் பொருள் கூறியது
சிறிதும் சிறப்பின்றாதலறிக. மாறு - பகை; பகைவரை யுணர்த்திற்று.
அருளாணை - அருளுடன் கூடிய ஆணை, அரசன் துயிலும் பொழுதும்
அவனது தெய்வத் தன்மையாகிய ஆணையானது உலகம்
புரத்தலை,

என்று சீவகசிந்தாமணி கூறுகின்றது. ஆகவென்பது ஈறு தொக்கது.
காப்பதை, ஐ : சாரியை. யாது எத்தன்மைத்து. காக்கவில்லையென்பான்
'காவாவழி' என்றான், அஃது - அவ்வாணை யெனலுமாம். அஃதியாது :
குற்றியலிகரம். (18)