பொன்னாடைகளையும் கொடுத்தான்; உள்ளத்து அன்பு தவறிலான் பொருட்டு
வாங்கித் தரித்து - அவர் மனத்தின்கண் அன்பு நீங்காத சாமந்தன் பொருட்டு
அவற்றை வாஙகி அணிந்துகொண்டு, தன் தமர்க்கும் ஈந்தார் - தம்
பரிசனங்கட்குங் கொடுத்தருளினார்.

     அழைத்தியென்றான் அழைக்கவே அவரும் போந்தார் என
விரித்துரைக்க. அவரது தோற்றத்தால் அரசன் களிகூர்ந்தானாயிற்று.
தன்றமர்க்கும் ஈந்தார் என ஒருமைச் சொல்லும் பன்மைச் சொல்லும்
விரவி வந்தன. (36)

     (இ - ள்.) ஆய்ந்த வெம் பரிமாத்தூண்டி - ஆராய்ந்துகொண்ட கடிய
செலவினையுடை குதிரையைச் செலுத்தி, ஐங்கதி நடத்திக் காட்டி - ஐவகைக்
கதிகளிலும் நடத்திக் காண்பித்து, ஏய்ந்த தம் சேனை வெள்ளத்து எய்தினார்
- பொருந்திய தமது தானைவெள்ளத்தை அடைந்தார்; எய்தும் எல்லை
-அங்ஙனம் அடையும்பொழுது, தார் வேந்த சேதிராயன் வேட்டைபோய் -
மாலையணிந்த சேதிராயன் என்பான் வேட்டைக்குச் சென்று, புலிகோட்பட்டு
மாய்ந்தனன் என்று - புலியினாற் கொள்ளப்பட்டு இறந்துபட்டனன் என்று,
வேந்தன்முன் ஓர் ஒற்றன் வந்து சொன்னான் - மன்னன் முன்னே - ஓர்
ஒற்றன் வந்து கூறினன்.

     ஐங்கதி இவை யென்பதனை,

என்பதனா லறிக; கோட்பட்டு : தம்மினாய தொழிற்சொல். (37)

     (இ - ள்.) முரசு அதிர் அனிகம் நோக்கி - முரசு முழங்குஞ்
சேனையைப் பார்த்து, முகம் மலர்ந்து உவகை பூத்த அரசனும் - மக
மலர்ந்து மகிழ்ச்சியுற்ற வேந்தனும், அனிக வேந்தற்கு - சேனைத்
தலைவனாகிய சுந்தரசாமந்தனுக்கு, அளவு இல் சீர்த்தலைமையோடும்
வரிசைகள் மிதப்ப நல்கி - அளவில்லாத சிறப்பினையுடைய தலைமை
யோடு வரிசைகளையும் நிரம்பக் கொடுத்து, வந்து மெய்க்காட்டுத் தந்து
பரசியபதாதி தத்தம் பதிபுகச் செலுததுக என்றான் - வந்து மெய்க்காட்டுக்
கொடுத்துத் துதிக்கப்பெற்ற சேனைகள் தத்தம் நகரிற் செல்லுமாறு விடுக்க
என்று கூறினன்.