(இ - ள்.) அறவும் சிறிய உயிர் தொறும் - மிகவும் நுண்ணிய
உயிர்கள் தோறும், தான் பரமகாட்டை அணுவாய்ச் சென்று உறையும் சிறுமை
அணிமா ஆம் - தான் (சிறுமையில்) முடிவாகிய கரமாணுவாய்ச் சென்று
தங்கும் நுண்மையே அணிமாவாகும்; நிரம்பிய நூல் - பொருள் நிரம்பிய
நூல்கள், உவரி ஞால முதல் மேல் என்று அறையும் சிவ அந்தம் ஆறாறும் -
கடல் சூழ்ந்த நில முதலாக எல்லாவற்றினும் மேல் என்று கூறப்படும் சிவம்
ஈறாகவுள்ள முப்பத்தாறு தத்துவங்களின், உள்ளும் புறனும் அகலாது நிறையும்
பெருமைதனை - அகத்தும் புறத்தும் நீங்காது உறையும் பெருமையை, மகிமா
என்னும் - மகிமா என்று கூறாநிற்கும்.

     காட்டை - முடிவு; வரம்பு. பிருதிவி தத்துவத்தை ஞாலம் என்றதற்
கேற்ப உவரியென அடைகொடுத்துக் கூறினார். சிவம் - சிவதத்துவம்.
சிவாந்தம் : நெடிற்சந்தி. நிரம்பிய நூல் - மெய்ந்நூல். அன்று, ஓ : அசைகள். (23)

     (இ - ள்.) இலகு மேரு பாரம்போல் இருக்கும் யோகிதனை எடுத்தால்
- விளங்கா நின்ற மேருமலையின் பாரம்போலக் கனத்திருக்கும் யோகியை
எடுத்தால், இலகு ஆன பர அணுப்போல் இருக்கது இலகிமா ஆகும் -
இலேசான பரமாணுவைப் போலக் கனமற்று இருப்பது இலகிமாவாம்; இலகு
ஆன பர அணுப்போல் இருக்கும் யோகிதனை எடுத்தால் - இலேசான
பரமாணவைப்போல மெலிந்திருக்கும் யோகியை எடுத்தால், இலகு மேரு
பாரம்போல் இருப்பது கரிமா ஆம் - விளங்கா நின்ற மேரு மலையின்
கனம்போலக் கனமாக இருப்பது கரிமாவாம்.

     அன்று, ஓ : அசைகள். தூலம் என்பது பாடமாயின் பஞ்சு என்பது
பொருளாம். (24)

     (இ - ள்.) தவக் கொடியீர் - தவக்கொடிபோலும் நங்கையீர்,
பிலத்தில் இருந்தோன் அயன் உலகில் புகுதல் - பிலத்தின்கண் இருந்தவன்
பிரமனுலகில் அடைதலும், மீண்டும் பிலம் அடைதல் - மீளவும் பிலத்திற்

     (பா - ம்.) * இலகுவான தூலமென.