(இ - ள்.) கானல் தேர்மேல் - கானலாகிய தேரின்மேல், சூறைக் கால்
எனும் பாகன் தூண்ட - சூறைக்காற்று என்னும் பாகன் செலுத்த, வேனில்
வேந்து ஏறி - வேனிலாகிய வேந்தன் ஏறி, சீறி வெப்பமாம் படைகள் வீச
சினந்து வெப்பமாகிய படைக்கலங்களை வீச, மாநிலம் காவல் பூண்ட
மன்னவர் இருவர் தங்கள் தானையும் உடைந்து - பெரிய நிலவுலகத்தை
மேற்கொண்ட இரண்டு மன்னர்களின் சேனையும் (அவ் வெம்மைக்குத்)
தோற்று, தண்ணீர் நசைசுட சாம்பிற்று - நீர் வேட்கை வருத்த வாடியது.

     வேனிற் காலத்தில் கானலுத் சூறைக்காற்றும் வெப்பமும் மிக்கமையை
இங்ஙனங் கூறினார். அம், அன்று, ஏ : அசைகள். கானல் முதலியவற்றைத்
தேர் முதலியவாக உருவகப் படுத்தினமையால் இஃது உருவகவணி. (27)

     (இ - ள்.) இரக்கம் இல் கொடிய செல்வர் மருங்குபோய் - இரக்க
மற்ற கொடிய செல்வரிடஞ் சென்று, இரப்பார்போல - இரப்பவரைப் போல,
உருப்பம் கொண்டு இறைக்கும் - வெப்பத்தை முகந்து வீசுகின்ற, கள்ளி நீழல்
புக்கு ஒதுங்குவாரும் - கள்ளி நிழலிற் சென்று ஒதுங்குப வரும், தருக்கு அற
நிரப்பால் எய்த்தோர் - களிப்பு நீங்க வறுமையால் மெலிந்தோர்கள்,
தம்மினும் வறியர்பால் சென்று இரப்பபோல் - தம்மைக் காட்டிலும் வறுமையை யுடையாரிடஞ் சென்று இரத்தலைப் போல, இலை தீந்து உக்க மரம் நிழல்
எய்துவாரும் - இலைகள் உதிரப் பட்ட மரத்தின்கண் நிழலுக்குச் செல்பவரும்.
உருப்பம் - வெப்பம். மொண்டு, முகந்து என்பதன் மரூஉ. உருப்ப
மொண்டிறைக்கும் என்னும் பொருளடையால் கொடிய செல்வர் கடுஞ்
சொற்களைப் பெய்வரென்பது பெறப்படும். இரப்ப : தொழிற் பெயர். குளகம்.
(28)

     (இ - ள்.) கொல் இபம் பரிமான் தேரின் - கொல்லுதற் றொழிலை
யுடைய யானையும் குதிரையும் தேருமாகிய இவற்றின், குறுநிழல்
ஒதுங்குவாரும் - சிறு நிழலில் ஒதுங்குகின்றவரும், அல் இருள் வட்டத் தோல்
வெண்கவிகையுள் அடங்கு வாரும் - மிக்க இருள் போன்ற கேடகத் துள்ளும்
வெள்ளிய குடையினுள்ளும் சென்று ஒடுங்குவாரும், செல் இடம் பிறிது
காணார் - செல்லுதற்கு இடம் வேறு காணாதவராய், வான் சென்றார்

     (பா - ம்.) * கல்லிடை.