(இ - ள்.) பற்றிய பழிக்குத் தீர்வு - அங்ஙனந் தொடர்ந்த கொலைப்
பாவத்திற்குக் கழுவாயாக, பழமறைக் கிழவர் சொன்ன பெற்றியின் - தொன்று
தொட்டுள்ள வேதத்திற்குரிய அந்தணர் கூறிய வண்ணமே, ஐவேறு உண்டி -
ஐவகைப்பட்ட உணவினை, நதிக்கரை - ஆற்றங் கரையின் கண், பெரு நூல்
கேள்வி முற்றிய மறையோர்க்கு ஈந்தும் - வேத நூற் கேள்வி மிக்க
அந்தணர்க்கு அளித்தும், மூவர் ஆம் தாரு வேந்தைச் சுற்றியும் - மும்
மூர்த்திகளின் வடிவமாகிய அரச மரத்தை வலம் வந்தும், தூர்வை கொய்து -
அறுகம் புல்லைக் கொய்து, சுரபிகள் சுவைக்க ஈந்தும் - பசுக்கள் உண்ணக்
கொடுத்தும்.

     தீர்வு கழுவாய்; பிராயச்சித்தம். ஐவேறுண்டி - கறிப்பன, நக்குவன,
பருகுவன, விழுங்குவன, மெல்லுவன, தாருவேந்து - அரகமரம். அரச
மரத்தின் அடிப்பகுதி பிரமன் வடிவும், நடுப்பகுதி திருமால் வடிவும், இறுதிப்
பகுதி உருதிரன் வடிவும் உடையன என்பர். தூர்வை - அறுகு. பசுவுக்கு
உணவளித்தல் சிறந்த அறமாதலை,

என்னும் திருமந்திரத்தாலறிக. (7)

     (இ - ள்.) அகமருடணத்தால் ஓமம் ஆற்றியும் - அகமருடண
மந்திரத்தால் ஓமஞ் செய்தும், ஆன் ஐந்து - பஞ்சகவ்வியத்தையும், ஆவின்
நகை மணிக்கோடு தோய்ந்த நளிர் புனல் குடித்தும் - பசுவின் விளக்கமாகிய
அழகிய கொம்பிற்றோய்ந்த குளிர்ந்த நீரினையும் பருகியும், தானவகை பல
கொடுத்தும் - பல வகையான தானங்களைச் செய்தும், நீங்கா வலியதாய் -
(அப்பழி) நீங்காத வலியினையுடையதாய், இழுது பெய்த புகை அழல் என்ன
மேலிட்டு - நெய் சொரிந்த புகையினையுடைய நெருப்பைப் போல
மேலோங்கி, புலப்பட வளைந்தது - கண்ணுக்குப் புலனாம்படி சூழ்ந்தது.

     அகமருடணம் - பாவத்தைப் போக்கும் ஒரு வேத மந்திரம். பசுவின்
பெருமையை,

என்பது முதலிய திருத்தொண்டர் புராணச் செய்யுட்களாலும், சிவ தருமோத்தரத்தாலும் உணர்க. ஆனின் கோட்டில் புண்ணிய