(இ - ள்.) பின்னும் பழி மேலிடும் வண்ணம் - மீண்டும் கொலைப்
பாவம் ஓங்கி வளருந் தன்மையை, மறையோர்கள் நோக்கி - அந்தணர்கள்
கண்டு, இறையோய் - மன்னனே, இது - இந்தக் கொலைப்பாவம், நான்
முகன் சென்னி இறுத்த - பிரமன் தலையைக் கிள்ளிய, கூடல் அறவேதியனை
- மதுரையில் வீற்றிருக்கும் அறிவுருவினனாகிய சோம சுந்தரக் கடவுளை,
தினம் ஆயிரத்து எண்கால் சூழ உற ஒழிக்கப்படும் - நாள்தோறும்
ஆயிரத்தெட்டு முறை வலம் வருதலால் ஒழிக்கப்படும்; இன்னம் உரைப்பக்
கேட்டி - இன்னுஞ் சொல்லக் கேட்பாயாக.

     பிரமச்சாயை ஒழிதற்குப் பிரமன் சென்னியைக் கிள்ளிய பெருமானை
வணங்குதலே ஏற்புடைத்தென்றார் என்க. (11)

     (இ - ள்.) ஆனா விரத நெறியால் - நீங்காத நோன்பின் வழி நின்று,
இரண்டு ஐந்து வைகல் - பத்து நாட்கள், வான் நாடனை - சிவலோக
நாயகனாகிய சோம சுந்தரக் கடவுளை, அம்முறையால் வலம் செய்து வந்தாய்
ஆனால் - மேற்கூறிய எண்ணின்படி வலம் வருவாயாயின், அதற்கு வழி
காட்டும் என்று - அவன் அக்கொலைப்பாவம் நீங்கும் நெறியைக்
காட்டியருளுமென்று, ஐயர்கூற - அவ்வந்தணர்கள் சொல்ல, அரசன் போனான்
- வரகுண மன்னன் சென்று, புனிதன் திருக்கோயில் புக்கான் - இறைவனது
திருக்கோயிலையடைந்தான்.

     போனான் : முற்றெச்சம். (12)

     (இ - ள்.) கௌவைக் கங்கைச் சுழி ஆறு அலைக்கும் சடையாய் -
ஒலியினையுடைய கங்கையாகிய சுழித்தல் பொருந்திய ஆறு அலைக்கின்ற
சடையையுடையவனே, விழி ஆயிரத்தோன்பழி தீர்த்தனை - ஆயிரங்
கண்களையுடைய இந்திரன் பழியை நீக்கியருளின; வேதியன் தன் கழியாத
மாபாதகம் தீர்த்தனை - ஓர் மறையோனுடைய (எவ்வாற்றானும்) நீங்காத

     (பா - ம்.) * ஒழியப்படும்.