வேத நெறியிலும் சிவாகமத்துறையில் நின்று சிவபிரானை வழிபட்டுப்
பேறெய்தினோர் இதிற் கூறப்பட்டனர். (44)

     (இ - ள்.) மறைகளின் சத உருத்திர மந்திரம் நவின்றோர் -
வேதங்களிலுள்ள சதவுருத்திர மந்திரத்தைக் கூறினோரும், நிறை கொள்
கண்டிகை நீறு அணி நீரர் - நிறைந்த உருத்திராக்க மாலையும் திருநீறும்
அணிந்த தன்மையையுடையாரும், யாரேனும் - யாவராயினும், குறிகுணம்
குலன் குறித்திடாது - அவர் பெயரையுங் குணத்தையுங் குலத்தையுங்
கருதாது, அன்பரைச் சிவன் என்று அறியும் அன்பினால் - அடியார்களைச்
சிவபிரானே என்று அறிகின்ற அன்பினாலே, பிறவிவேர் அறுத்தவர் இவர்
காண் - பிறவியின் மூலத்தை அறுத்தவர் இவர்.

     வேத புருடனுக்கு உருத்திரம் கண்ணும், அதனுள்ளிருக்கும்
திருவைந்தெழுத்துக் கண்மணியுமாம் என்று பெரியோர் கூறுவர்.
கண்டிகையும் நீறு மணிந்தார் எவராயினும் அவரை இன்னவாறு வழிபட
வேண்டுமென்பதனை,

என்னும் தேவாரத்தால் அறிக. (45)

     (இ - ள்.) ஆன் அஞ்சு ஆடிய பரஞ்சுடர் இறை - பஞ்ச
கவ்வியமாடிய பரஞ்சோதியாகிய இறைவனுடைய, சிவஞான தானம் செய்தவர்
-சிவஞானத்தைத் தானஞ் செய்தவரும், தருப்பணம் செய்தவர் - தருப்பணஞ்
செய்தவரும், சாமகானம் செய்வதற்கு - சாமகானம் பாடும்