(இ - ள்.) கண் மலர்ந்து எழு பத்திரன் - அங்ஙனங் கண்
விழித்தெழுந்த பாணபத்திரன், கரை இலா உவகை உள் மலர்ந்து -
அளவிறந்த மகிழ்ச்சியால் அகமலர்ந்து, எழும் அன்பு கொண்டு ஊக்க -
மேலெழுந்த அன்பு தன் மயமாக்கிச் செலுத்த, வெங்கதிரோன் - வெவ்விய
கதிர்களையுடைய சூரியன், விண்மலர்ந்து எழுமுன்பு போய் - வானிலே
உதித்தெழுதற்கு முன்னரே சென்று, விசும்பு இழிகோயில் - விண்ணினின்றும்
இழிந்த இந்திர விமானத்தில் எழுந்தருளிய, பண் மலர்ந்த நான் மறைப்
பொருள் - இசை நிறைந்த நால் வேதங்களின் பொருளாயுள்ள சோம சுந்தரக்
கடவுளின், அடித்தலம் பணிந்தான் - திருவடிகளை வணங்கினான். (53)

     (இ - ள்.) கடிய கானகம் புகுதவோ - கொடிய காட்டின்கண்
செல்லவோ, கட்டிய விறகை முடியில் ஏற்றவோ - கட்டப்பட்ட விறகு
சுமையைத் திருமுடியில் ஏற்றுதற்கோ, முண்டகத் தாள்கள் நொந்திட வந்து -
தாமரை மலர் போன்ற திருவடிகள் நோவுமாறு நடந்து வந்து, அடியனேன்
பொருட்டு - அடியேன் நிமித்தம், அடாத சொல் பகரவோ - தகாத
சொல்லைக் கூறுதற்கோ, வஞ்சக் கொடியனேன் குறையிரந்தவா -
வஞ்சகத்தையுடைய கொடியேன் குறையிரந்தபடி, குற்றம் விழைந்ததே -
அதனால் அடியேனுக்குப் பெரும் பிழை விளைந்து விட்டதே (இதற்கு என்
செய்வேன்).

     கொடியனேன் குறையிரந்தது அடியேன் பொருட்டுப் புகுதவோ
ஏற்றவோ பகரவோ என இரங்கினான் என்க. (54)

     (இ - ள்.) நெடியனே முதல் வானவர் நெஞ்சமும் - திருமால்
முதலிய தேவர்களின் உள்ளங்களையும், சுருதி முடி அனேகமும் கடந்த -
எண்ணிறந்த வேதங்களின் முடிகளையுங் கடந்தருளிய, நின் முண்டகப்
பாதம் - தேவரீரது தாமரை மலர் போன்ற திருவடிகள், செடியனேன்
பொருட்டாக - பாவியேன் பொருட்டாக, இச்சேண்நிலம் தோய்ந்த -
இந்தப் பெரிய