என்பதனால் உணர்க. (26)

     (இ - ள்.) செம்பொன் அறையைத் திறந்து - கருவூலத்தைத் திறந்து,
அழைத்து - (பாணபத்திரனை) அழைத்து, காட்டி - காண்பித்து, இனைய
திரு எல்லாம் - இந்தச் செல்வம் அனைத்தையும், உம்பர் பெருமான்
அடியீராகிய, நீர் உடையீர் - நீரே உடையீர், கவர்ந்து கொள்மின் என -
கைக் கொள்ளுமென்று, இம்பர் நிழற்றும் வெண்குடையான் இசைப்ப -
இந்நிலவுலகிற்கு நிழல் செய்யும் வெள்ளிய குடையையுடைய சேர மன்னன்
கூற, எதிர் தாழ்ந்து இசைக் கிழவன் - இசைக்கு உரிய பாணபத்திரன் எதிர்
வணங்கி, நம்பன் அருளுக்கு உரியீர் நீர் - இறைவன் திருவருளுக்
குரியீராகிய நீர், நல்கிற்று எனக்கு அமையும் என்ன - தந்தது எனக்குப்
போதிய தென்று கூற.

     யாவும் உம்முடையனவே கைக்கொள்ளும் என்ன அங்ஙனம்
வேண்டாம் நீர் கொடுக்கமளவு அமையுமென்று பாணர் கூற வென்க. (27)

     (இ - ள்.) மன்னன் - சேரமான் பெருமாள், தான் எண்ணிய வாற்றால்
வழங்க வழங்க - எல்லாப் பொருளும் அவருடையன வென்று தான்
கருதியபடி கொடுக்கக் கொடுக்க, இன்னல் தீரும் இசைக்கிழவன் மறுத்து
மறுத்து - துன்பம் நீங்கும் பாணபத்திரன் அவற்றை மறுத்து மறுத்து,
இலங்கும் பொலம் பூண் விளங்குகின்ற பொன்னணிகளையும், இருநிரியம் -
பெரிய நிதியையும், பொன் அம்சி விகை - பொன்னாலாகிய அழகிய
சிவிகைகளையும், பல கரி பரி மான் பொன்பட்டு ஆடை - பல
யானைகளையும் குதிரைகளையும் பொன்னாலாகிய பட்டாடைகளையும்,
பிறவும் - பிறவற்றையும், தன்ன என்னும் அளவாற்றால் கொள்ள தனக்கு
அமைவன வென்னும் அளவின் வகையால் ஏற்றுக்கொள்ள, தார் வேந்தன் -
மாலையை யணிந்த மன்னனாகிய சேரமான்.

     (பா - ம்.) * தன்னதென்னும்.