பொருள் உரைத்தாய் நீயே - அங்ஙனங் கூறியருளிய வனாகிய நீயே,
பாதிநாரி உரு ஆனாய் என்று - ஒருபாதி பெண்வடிவமாயினை என்று
கூறி, பிறர்பழித்தால் - புறச்சமயிகள் ஏசினால், அடியேன் விடை ஏது
அறைவேன் - (அவருக்கு) அடியேன் யாது விடை யிறுப்பேன்?

என, இப்புராணத்து நம்பியாரூரர் துதியிற் கூறியிருத்தல் இங்கு நோக்கற்
பாலது. நானா - பல, மகளிராசையை நீத்தல் வேண்டுமென்று கூறிய நீயே
பாதி நாரியுருவானது ஆன்மாக்களக்குப் போகத்தை யூட்டிக்
கன்மந்தொலைத்து அருள்புரிதற் கென்னும் உண்மையுணராது புறச்சமயிகள்
நின்னைப் பழித்துரைப்பார்; அவர்க்குக் கூறும் விடை யாதும் இல்லை
யென்க.

என்னும் திருவாசகம் இங்கே சிந்திக்கற்பாலது. (35)

     (இ - ள்.) வரதனாகி - அருட்கொடை யுடையவனாகி, எவ்வுயிர்க்கும்
மாயாவிருத்தி வலி அடக்கி - எல்லா வுயிர்களுக்கும் மாயாமலத்தின்
தொழில் வலியை அடக்கி, சரதமான வீட்டு இன்பம் - அறியாத
வீட்டின்பத்தினை, மதுரைத் தனிமுதலே தருவாய் - மதுரையில்
அமர்ந்தருளிய ஒப்பற்ற முழுமுதற் கடவுளே நீயே அருளுவை யாயினை;
சரதமான வீட்டின்பம் தருவாய் - (அவற்றுக்கு) அவ் வின்பத்தை அருளும்
நீயே, வீடு பெறுவார்போல் - வீட்டினை விரும்பி யோகுசெய் வாரைப்போல,
விரத யோகநிலை அடைந்தாய் என்பார்க்கு - (அரிய) நோன்புகளையுடைய
யோகநிலையை அடைந்தனை என்று பழிப்பார்க்கு, நான் என் விளம்புவன் -
யான் யாது கூறுவேன்.

     நீ யோகநெறியில் நிற்பது ஆன்மாக்களை யோகநெறியிற் புகுத்திப்
பேரின்பவீடு அளித்தற்கு என்னும் உண்மை யுணராது புறச்சமயிகள்
நின்னைப் பழித்துரைப்பர்; அவர்க்குக் கூறும் விடை யாதும் இல்லை யென்க.
இவ்வியல்பினரை நோக்கியே,