(இ - ள்.) மன்னவன் முடிமேல் பீலி வைத்தனர் ஆக்கம்கூற -
(புக்கவர்) சோழனுடைய முடியின்மேல் மயிற்றோகையை வைத்து ஆசிமொழி
கூற, அன்னவன் அவரை நோக்கி - அம்மன்னன் அச்சமண குரவர்களைப்
பார்த்து, வசியம் முன் ஆறும் வல்லீர் - வசியம் முதலாகிய ஆறு
தொழிலிலும் வல்லீரே, தென்னனை ஆபிசாரம் செய்து உயிர் செகுத்தால் -
(நீவிர்) விக்கிரம பாண்டியனை மாரணவேள்வி செய்து கொல்லுவீரேல்,
உங்கட்கு என்னது நாடு பாதி தருவல் - உங்களுக்கு என்னுடைய நாட்டிற்
பாதி தருவேன்; போய் இயற்றும் என்றான் - சென்று அதனைச்
செய்யுங்களென்று கூறினான்.

     வசிய முன்னாறு எல்லாம் வல்ல சித்தரான படலத்திற் கூறப் பட்டன.
ஆபிசாரம - அபிசார வேள்வி. என்னது : னகரம் விரித்தல். நாடுபாதி -
நாட்டிற் பாதி. (10)

     (இ - ள்.) தவம் புரிந்து அவமே செய்வார் தாம் - (புறத்திலே) தவஞ்
செய்து (அகத்தில்) அவமே செய்வாராகிய அவர்தாம், அதற்கு உடன்பாடு
ஏகி - அச்செய்கைக்கு உடன்பட்டுச் சென்று, நிவந்த தெண்திரை நீர்ப்பாலி
நெடுங்கரை - உயர்ந்து வரும் தெள்ளிய அலைபொருந்திய நீரையுடைய
பாலியாற்றின் நீண்ட கரையில், காதம் மூன்றில் கவர்ந்த அகன்சாலை
கோலி - மூன்று காத அளவினை அகப்படுத்திய அகன்ற வேள்விச்
சாலையைக் கோலி, யோசனை அகலம் கல்லி - (அதில்) ஒரு யோசனை
அகலம் தோண்டி, எட்டுக் கோணமாக அவம்படு வேள்விக் குண்டம்
கண்டார் - எண் கோணமாகப் பழிவிளையும் வேள்விக்குண்டத்தினைச்
செய்தனர்.

     தவம்புரிவார் போன்று அவமே புரிவாரென்க. அவம் - தவத்திற்கு
மாறாய தீச்செய்கை;

என்பது தமிழ்மறை. மூன்றில் - மூன்றினை. கவர்ந்த என்னும் பெயரெச்சத்து
அகரந் தொக்கது. கண்டார் என்பதனை எச்சமாக்கலுமாம். (11)

     (இ - ள்.) விடம்பொதி காட்டம் பெய்து - (அங்ஙனஞ் செய்து) நஞ்சு
பொதிந்த விறகினையிட்டு, நிம்பநெய் விராய - வேம்பின் நெய் கலந்த,
நஞ்சின் உடம்பு உடை உயிரின் கோழ்ஊன் - நஞ்சு பொருந்திய