சில்லரிதுடி எனப் பாடங்கொண்டு, சில்லரியாவது ஒலிக்கும் ஒரு
வகைப்பறை யென்பாரும் உளர். பார்வை - விலங்குகளைப் பிடித்தற்கு
வளர்க்கப்பட்ட இனமாகிய விலங்குகள். பயில் விளி - அவை பயின்ற
அழைப்பொலி. மையல் மான் - யானை. நன்கு வளைத்து என்பார்
"வில்லிற வலித்து வாங்கி" என்றார். (14)

     (இ - ள்.) செறிந்த மான் - நெருங்கிய மான்கள், தாள்முறிந்த; (சில)
கால் முறிந்தன; சென்னி சிதைந்த - (சில) தலை சிதைந்தன - செம்புனங்
ஆறு பறிந்த - குருதி ஆறு ஓடியது; ஏழு உயர்ந்த வேழம் - ஏழு முழ
உயர்ந்த யானைகள், வீசு கை இறா - வீசுகின்ற துதிக்கை அற்று,
வெண்நிணம் பரிந்து - வெள்ளிய நிணம் சிந்தி, மறிந்த மாண்ட - (செல்நெறி)
தடைப்பட்டு மடிந்தன; எண்கு வல்லியம் - கரடிகளும் புலிகளும், பிறிந்த
ஆவியோடும் - நீங்கின உயிரோடும், வாய் பிளந்தவாய் விழுந்த - வாய்
பிளந்தனவாகி விழுந்தன.

     பறிந்தது என்பது துவ்வீறு தொக்கது. செம்புனல் ஆறு பறிந்த தென்க.
யானை ஏழுமுழம் உயர்ந்திருத்தல் உத்தம இலக்கணம். வேழம் மறிந்தன
எண்கு மாண்டன வல்லியம் விழுந்தன என்றுரைத்தலுமாம். (15)

     (இ - ள்.) தொட்ட புல்கிழங்கு வாடை தொட - தோண்டிய புல்லின்
மணமும் கிழங்கின் மணமும் வீச, விரைந்து கண்ணியுள் பட்டவும் -
விரைந்து சென்று வலையுட்பட்டனவும், பொறித்து வைத்த பார்வை வீழ்ந்து
அடுத்தவும் - செய்து வைத்த பார்வை விலக்கினை விரும்பிவந்து
பொருந்தியனவும், கட்டி இட்ட வலை பிழைத்து - கட்டி வைத்த
வலையினின்றுந் தப்பி, ஞமலி கௌவநின்றவும் - நாய்கள் கௌவ
நின்றனவுமாகிய, மட்டிலாத - அளவிறந்த விலங்குகள், ஒட்டி நின்ற மள்ளர்
வேலின் மாய்ந்தவே - கிட்டிநின்ற வீரர்களின் வேற்படையால் மாய்ந்தன.

     கண்ணியின் நடுவே புல்லும் கிழங்கும் தோண்டி வைத்திருக்க
அவற்றின் மணத்தால் ஈர்க்கப்பட்டுவந்து கண்ணியுட் பட்டன என்க.
பொறித்து வைத்த பார்வை - பார்வை விலங்குகளாக இயற்றிவைத்த
உருக்கள். பட்ட,, அடுத்த. நின்ற என்பன வினையாலணையும் பெயர்கள்.
மட்டிலாத வேலின் என இயைத்தலுமாம். மாய்ந்த : அன்பெறாத பலவின்பால்
முற்று. (16)