(இ - ள்.) முற்படு தூசியாக நடக்கின்ற - முன்னணியாக நடக்கின்ற,
முரண் கால் பன்றி மல்படுசேனை - முருட்டுக் கால்களையுடைய பன்றியாகிய
வலிமிக்க படை, நேரே வருகின்ற மன்னர் மன்னன் - எதிரே வருகின்ற
வேந்தர் வேந்தனாகிய பாண்டியனது, வெற்பு அடு தடந்தோள் வன் தாள்
வீரர்மேல் - மலையைப் பொருது வென்ற பெரிய தோள்களையும் வலிய
தாள்களையுமுடைய வீரர்கள்மேல், சிறிச்செல்ல - சினந்து செல்ல, வீரர்
பிற்பட ஒதுங்கி - அவ்வீரர்கள் பின்னே ஒதுங்கி நின்று, அப்பு மாரி
பெய்தனர் - அம்பு மழையினைப் பொழிந்தனர்.

     தூசி - முன்னே செல்லும் படை. நடக்கின்ற சேனை வீரர்மேற் செல்ல
அவர் அப்புமாரி பெய்தனர் என்க. அப்பு, அம்பு என்பதன் வலித்தல். (28)

     (இ - ள்.) சோரி சொரிந்தன வெள்ளம் சொரிந்தன - குருதிகள்
பொழிந்து வெள்ளமாகப் பெருகின; யாக்கைவீழ்ந்த - உடல்கள் வீழ்ந்தன;
குடர்கள் சரிந்தன - குடர்கள் சரிந்தன; என்பு தகர்ந்தன - எலும்புகள்
முறிந்தன; வழும்பு மூளை பரிந்தன - வழும்பும்்மூளையும் அற்றன; சேனம்
காகம் படர்ந்தன - பருந்துங் காகமும் பரவின; ஏனம் உயிரும்
மெய்யும்பிரிந்தன - பன்றிகள் (இங்ஙனம்) உயிர்வேறு உடல் வேறாகப்
பிரிந்தன; நின்ற பிறைமருப்பு ஏன வீரர் - பிழைத்து நின்ற பிறைபோலும்
கோட்டினையுடைய பன்றிவீரர்.

     பின்னுள்ள சொரிந்தன என்பது பெருகின என்னும் பொருட்டு. வீரர்
என்பது வருஞ்செய்யுளில் உள்ள சிதைத்தனர் முதலிய வினைகளைக்
கொள்ளும். (29)

     (இ - ள்.) எரியில் சீறிப் பதைத்தனர் - நெருப்பைப் போலச் சினந்து
உடல் பதைத்து, பஞ்சவன் படைமேல் பாய்ந்து சிலரைச் சிதைத்தனர் -
பாண்டியன் படைமீதுபாய்ந்து சிலரைச் சிதைத்தார்கள்; சிலரைத் தள்ளி -
சிலரைக் கீழே தள்ளி, வாயில் செம்புனல் சோர உதைத்தனர் - அவர்
வாயினின்றும் குருதிபொழியுமாறு உதைத்தார்கள்; சிலரை வீட்டி - சிலரை