எச்சமாக்கி யுரைத்தலுமாம். தூளாக வென்பது ஈறு தொக்கது. பீலியோடும்
தகர்த்தனர் என்றும், வாய்க்காலில் விடுத்தனர் என்றும் கூறுவாருமுளர்.
(37)

     (இ - ள்.) பறியுண்ட தலையர் யாரும் - மயிர் பறிக்கப்பட்ட
தலையினையுடைய சமணரனைவரும், எறியுண்டு - அடிபட்டு, செய்த மாயம்
இழப்புண்டு - செய்த மாயத்தை இழந்து, சேனையோடும் முறியுண்டு -
படைகளோடும் முறிபட்டு, நடுக்கம் பாவம் மூழ்குண்டு மாழ்கி சாம்பி -
நடுக்கத்திலும் பாவத்திலும் மூழ்கி மயங்கி வாடி, பழிப்புண்டு -
பழிப்படைந்து, பாயும் தாமும் உறியுண்ட கரகத்தோடும் ஒதுங்கினர் பதுங்கிப்
போனார் - பாயும் தாமும் உறியிற் பொருந்திய கமண்டலத்தோடும் ஒளித்துப்
பதுங்கி ஓடினர்.

     முறிதல் - நிலை கெடுதல். உறியுண்ட - உறியுட் கொண்ட பாயும்
தாமும் கரகத்தோடும் போனார் என்றது,

என்புழிப்போலத் திணைவிரவிச் சிறப்பால் உயர்திணை முடிபேற்றது;
திணைவழுவமைதி. (38)

     (இ - ள்.) மாதங்கம் தடிந்துஅட்டாலை மண்டபத்து இருந்த வீரன்
பாதங்கள் - யானையைக் கொன்று அட்டாலை மண்டபத்தின்கண் நிகரின்றி
இருந்த வீரனாகிய இறைவன் திருவடிகளை, பாண்டியன் கையால்பற்றி
இரந்து வேண்டி - விக்கிரம பாண்டியன் தன்கைகளாற் பிடித்துக்கொண்டு
குறையிரந்து வேண்டி, போதங்கள் கடந்தாய் - பசுஞானம் பாசஞானங்களைக்
கடந்தவனே, பொலிய என்றும் இங்கு இருத்தி என்ன - விளக்கமுற
எஞ்ஞான்றும் இங்கு வீற்றிருப்பாயாக! என்று விண்ணப்பிக்க, வேதங்கட்ழு
அருத்தம் சொன்ன வேதியன் அதற்கு நேர்ந்தான் - வேதங்களுக்குப்
பொருளருளிச் செய்த அந்தணன் அதற்கு இசைந்தருளினான்.

     இரந்து வேண்டி இருத்தியென்ன வென்க. போதங்கள் - பாச பசு
ஞானங்கள்;