(இ - ள்.) வந்த மணவாட்டி சிவவிந்தனையும் சைவ தவவடிவும்
நோக்கி - (தமது இல்லிற்கு) வந்த மணக்கோலத்தையுடைய கௌரியின்
சிவ சிந்தனையையும் சைவ தவவேடப் பொலிவையும் நோக்கி, வெந்த
உடல்போல் மனமும் வெந்து - (தமது) கருகிய உடலைப் போல மனமும்
வெந்து, அவனைவேறு ஒதுக்கி வேண்டா ராகி நிந்தனை செய்து
ஒழுகுவார் - அவளை வேறாக ஒதுக்கி வைத்துச் சிறிதும் விரும் பாராய்
நிந்தித்து ஒழுகுபவர்கள், தாங்கள் ஒருநாள் வேற்றூர் தம் தமர் மங்கலம்
காண்பான் - தாம் ஒருநாள் வேற்றூரில் நடக்கும் தம் சுற்றத்தாரின்
மணத்தைக் காணுதற்கு, அவளைத் தனியே வைத்து நீத்து நீங்கி அகம்
பூட்டிப் போனார் - அவளைத் தனியாக வைத்து விட்டு நீங்கி இல்லினைப்
பூட்டிக்கொண்டு போயினர்.

     மணவாட்டி - மணமகள்; மணவாளனுக்குப் பெண்பால். தவ வடிவு
- திருநீறு சாதனமுடைய வடிவு. சங்கு சக்கர முத்திரை பொறிக்கப்
பட்டமையால் வெந்த உடம்பு. உளம் அழுக்காற்றாற் புழுங்குதலை
‘வெந்து’ என்றார். (15)

     (இ - ள்.) நீறே உள்மாசு கழுவுவது என்று உபநிடதம் உரைப்பக்
கேட்டும் - திருநீறே அகத்திலுள்ள அழுக்கைப் போக்கித் தூய்மை
செய்வது என்று உபநிடதங் கூறுவதைக் கேட்டும், மண்மாசு படப் பூசும்
வடிவு உடையார் அகன்றதன் பின் - மண்ணை அழுக்குண்டாகப் பூசுகின்ற
வடிவினையுடைய அவர்கள் போனபின், மனையில் வைகும் பெண் -
இல்லில் இருக்கும் கௌரி, மாசு கழிய - குற்றம் ஒழியுமாறு, ஒரு சிவன்
அடியார் தம்மைக் காணப் பெறாமல் - ஒரு சிவனடி யாரைக்
காணப்பெறாமல், இன்று என் மாசு படுவதுஎன - இப்பொழுது என் கண்
மாசடைகின்றது என்று, கனிந்து ஒழுகு தலையன்பால் கவலை கூர்வாள் -
பழுத்து ஒழுகுத் தலையன்பினாற் கவலை யுறுவாளாயினாள்.

     (பா - ம்.) * காண்பார்.