படகினும் தோணியும், தோணியினும் சோங்கும் பெரியனவாமென்க.
விடவு - பிளவு. ஓருயிர் வினைவயத்தால் வெவ்வேறுடம்பெடுத்து உழுலுதல்
போல் இவன் மீன் பிடிக்கும் வினையால் வெவ்வேறு கலங்களிற் புகுந்து
உழன்றான் என்பதனால் இது தொழிலுவமம். (38)

     (இ - ள்.) மகர ஏறு - அச்சுறாமீன், முன்னர் வீசினால் பின்னுற
முளைத்து எழும் - முன்னே வலை வீசினால் பின்னே தோன்றி மேலெழும்;
முயன்று பின்னர் வீசினால் - முயன்று பின்னே அவ்வலையினை வீசினால்,
பெயர்ந்து முன்னுற எழும் - (அப்பின்னிடத்து நின்றும்) போய் முன்னே
எழும்; வலத்தில் உன்னி வீசினால் - வலப்புறத்தில் (அது இருக்குமிடம்)
அறிந்து வீசினால், இடம்பட உருத்து எழும் - இடப்புறத்தின்கண் சினந்து
மேலெழும்; இடத்தில் மன்னி வீசினால் - இடப்புறத்தில் பொருந்த வீசினால்,
வலத்து எழும் - வலப்புறத்தில் மேலே எழும்.

     மன்னி என்பதனை மன்ன வெனத் திரிக்க.

     சுறவின் ஆண் ஏறெனப் படுதலை,

என்னும் தொல்காப்பிய மரபியற் சூத்திரத்தானறிக. அது, பகுதிப்பொருள்
விகுதி. தான், அசை. (39)

     (இ - ள்.) எறி வலைப்படும் - வீசிய வலையின்கண் அகப்படும்;
அகமலர்ந்து ஈர்ப்பவன் உள்ளம் மறுதலைப்பட - (அகப்பட்டதென)
மனமகிழ்ந்து இழுப்பவனுடைய உள்ளம் வருந்த, வலையினும் வழீஇ -
அவ்வலையினின்றும் வழுவி, பொருள் ஆசை நெறிமலர்க்குழல் நல்லவர்
நினைவு என - பொருளாசை மிக்க நெறித்த மலரணிந்த கூந்தலையுடைய
விலை மகளிர் நினைவுபோலவும், நினைவுற்று அறிபவர்க்கு அரிதாம்
பரம்பொருள் என - சிந்தித்து அறிபவர்க்கு அறிதற்கரிய சிவபரம்
பொருள்போலவும், அகலும் - நீங்கும்.

     மறுதலைப்பட - மகிழ்ச்சிக்கு மாறாக; துன்பமுண்டாக. வலையினும் -
வலையினின்றும், விலை மகளிர் மனம் ஒருவழி நில்லாமைபோல ஓரிடத்து
நில்லாமையாலும், ஆன்ம போதத்தால் அறிவேமென முயல்வார்க்குப்
பரம்பொருள் அறியப்படாதகலுதல்போல அகப்படாது நீங்குதலாலும்