கருவி - படைக்கலமும் தானையும். படைக்கலப் பயிற்சிக்குரிய நூல்களும்.
யானை குதிரை ஊர்தற்குரிய நூல்களும், பிறவு மென்க. தொன்னூல் -
நீதிநூல். அமைச்சர் கண்ணாக அரசபாரம் நடத்தலின் 'காவலற்குக்
கண்போன்ற அமைச்சர்" என்றார்;

என்னும் திருக்குறள் நோக்குக. (7)

     (இ - ள்.) சொல்லாத பல்வேறு தீபத்துச் செங்கோன்மை வல்லாரும்
- அடைதற்கரிய பலவேறு வகைப்பட்ட தீவுகளில் கோல் கோணாது
குடிகளைப் புரக்கவல்ல மன்னரும், தத்தம தேத்து அரிய பொருள்
வரவிடுத்து - தங்கள் தங்கள் நாட்டிலுள்ள அரியபொருளை அனுப்பி,
நல்லாராய் ஒப்புரவு நட்பு அடைய - நல்லவராய் மனமொத்த நட்பினைப்
பொருந்துமாறு, நடக்கின்றார் - ஒழுகுவாராகிய திருவாதவூரர், புல்லாதார்
முரண் அடக்கி - பகைவரின் வலியினை அடக்கி, பொருள் கவர்வார்
என்பது எவன் - அவரது பொருளைக் கவர்வார் என்று கருதுவது என்னை?

     தீபம் - கடல் நாப்பணிருக்கும் நிலம். தேத்து - தேசத்து; தேசம்
என்பது தேம் எனத் தொல்காப்பியம் முதலிய பழைய நூல்களிற்
பயின்றுள்ளது. யாவரும் இவருடைய நட்பை விரும்பித் தாமாகவே
திறையனுப்புதலின் பகைவர் இலராயினார் என்பதும், பகைவர் இலராகவே
முரணடக்குதலும் பொருள் கவர்தலும் இல்லையாயின என்பதும் கருத்தாகக்
கொள்க. (8)

     (இ - ள்.) அடல் வாதவூர் அமைச்சர் - வெற்றி பொருந்திய
வாதவூரராகிய அமைச்சர், அண்ணல் அரிமருத்தனனுக்கு - பெருமை
பொருந்திய அரிமருந்தன பாண்டியனுக்கு, கண்ணும் இடுகவசமும் போல் -
கண்களையும் அணிந்த கவசத்தையும் போல (இருந்து), காரியம் செய்து
ஒழுகுவார் - வினை செய்து ஒழுகுவாராய், தண் அளி செய்து - தண்ணிய
அருள் புரிதலால், அவனி எலாம் - நிலவுலகிலுள்ள மக்களனைவரும், தன்
கிளைபோல் குளிர்தூங்க - தன் கிளைஞர் மகிழுமாறு போல மகிழ்கூர,
வண்ணம் மதிக்குடை நிழற்றி - நிறம் வாய்ந்த சந்திர வட்டக் குடையினால்
நிழல் செய்து, முறை செய்து வாழு நாள் - முறை புரிந்து வாழும் நாளில்.