வந்தார் - மாயமாகி தாவுகின்ற குதிரையில் வந்த கணவீரரனைவரும், ஒக்க
மறைந்தார் - கூடவே மறைந்தனர்.

     வெவ்வேறு நிறத்தரு கலிங்கம் என்றுமாம், அவர்கள் வெகுண்டு
நின்றமையால் இறைவனே அவற்றையும் நேர்ந்து வாங்கினர் என்க. வாங்கி
என்பதனை வாங்க என எச்சத்திரிபாக்கி உரைப்பாருமுளர். அன்பிற் சிறந்து
- அன்பிற்கு ஈடுபட்டு. ஒக்க - உடன்; சேர. இறைவன் இங்ஙனம் நரிகளைக்
குதிரைகளாக்கிக் கொணர்ந்த திருவிளையாட்டை,

எனவும்,

எனவும் அடிகள் திருவாசகத்தில் அருளிச்செய்தல் காண்க. (125)

     (இ - ள்.) இருமைக்கும் துணையாய் நின்ற இருபிறப்பாளர்க்கு -
இம்மையு மறுமையுமாகிய இரண்டிற்குந் துணையாய் நின்ற மறையவராகிய
வாதவூரர்க்கு, ஏற்ப - பொருந்துமாற்றால், அருமைத்து ஆம் சிறப்பு நல்கி -
அருமையையுடைய தாகிய வரிசையை அளித்து, அவரை அவரிடத்து உய்த்து
- அவரை அவரிடத்திற்குச் செல்ல விடுத்து, பருமத்த யானை வேந்தன் -
தவிசினையுடைய யானையையுடைய மன்னன், பகல் கதிர் வானத்து
உச்சிவரும் அப்போது எழுந்து - சூரியன் வானின் உச்சியில் வருகின்ற
அப்பொழுதில் எழுந்து, செம்பொன் மாடம் நீள் கோயில் புக்கான் - சிவந்த
பொன்னாலாகிய மாடத்தையுடைய நீண்ட அரமனையிற் புகுந்தான்.

     பருமத்த, குறிப்புப்பெயரெச்சம்; பருமம் - யானைமேற்றவிசு; பரு மத்த
எனப் பிரித்துப் பருத்த மதமயக்கத்தையுடைய யானை என்றலுமாம். (126)