முகப்பு

தொடக்கம்

கடவுள் வாழ்த்து] 519 முன்ன மலைபசித்தீ மூளுங் குறள்வீரற் கன்னமலை யீந்த வருள்போற்றி - பின்னுமவன் வெய்யபசிக் கன்னக் குழியுநீர் வேட்கைக்கு வையையுந் தந்த வரம்போற்றி - ஐயைதனை ஈன்றாள் கடலாட வேண்ட வெழுகடலுஞ் சான்றா வரநிறுத்துந் தாள்போற்றி - வான்றாழ வாழுமலை யத்துவச மன்னனைக்கூஉய்த் தேவியொடும் ஆழி படிவித்த வருள்போற்றி - வேள்விவரு வில்வளைக்கை நங்கை விறலுக் கிரகுமரச் செல்வனைப் பெற்ற திறம்போற்றி - வேள்விவரு மன்றன் முடித்து வளைசெண்டு வேல்கொடுத்து வென்றிமுடி சூட்டும் விறல்போற்றி - வன்றிறல்வேல் வேலை சுவற விடுத்துக் கிரகுமரன் ஞாலம் புரந்த நலம்போற்றி - வேல்வலக்கைச் சேயனைய வுக்ரன் றிகிரியெறிந் திந்திரன்போர் சாயமுடிசிந்து சயம்போற்றி - ஆயவரி வண்டலம்பு தார்க்குமான் மேரு மணிமுடிமேற் செண்டெறிந்து வைப்பெடுத்த சீர்போற்றி - பண்டொருநாள் ஆறறிய வந்தணருக் காதிமறைப் பொருளைத் தேற விரித்த திறம்போற்றி - ஈறடைந்த தென்னன் குமரன் றிருமுடிக்கு வாணிபராய் நன்மணிகள் விற்ற நலம்போற்றி - நன்னகர்மேல் வென்றி வருணன் விடுத்த கடல்பருகத் துன்றுமுகி னான்கேவுஞ் சூள்போற்றி - கன்றியவன் வான்மாரி யேழும் விடுப்பமழை நான்கும்போய் நான்மாட மான நலம்போற்றி - தேனிதழி வைத்த முடிமறைத்து மாடநக ரெங்கெங்குஞ் சித்தரா யாடியருள் சீர்போற்றி - சித்தராய் மன்னவன் கைக்கரும்பை வாங்கிக்கல் யானைக்குத் தின்ன வளித்த திறம்போற்றி - தென்னவன்மேல் வெங்க ணமணர் விடுத்த களிற்றைநர சிங்கசரந் தொட்டெய்த சீர்போற்றி - தொங்குதிரை மூப்பிளைய காளை முலையுண் குழவியெனக் கோப்பருவங் கொண்ட குணம்போற்றி - மாப்பெரியோர் தேறுநடந் தன்னையொரு தென்னன் றனக்கிரங்கி மாறிநடஞ் செய்த மலர்போற்றி - ஆறடைந்தோர் வஞ்சி யுயிரிழப்ப நாடு மறப்பழியை அஞ்சி வெளிசெய்த வறம்போற்றி - வஞ்சமனத் தாயைப் புணர்ந்தமகன் றந்தை தனைவதைத்த தீயபழி தீர்த்தவருட் சீர்போற்றி - தாயனைய ஆசான் மனைவிதன்மே லாசைவைத்த மாணவனைக் கூசாமற் கொன்ற கொலைபோற்றி - மாசமணர் வல்வித்தை செய்துவிடு வன்னஞ்ச வாளரவைக் கொல்வித்த நல்ல குணம்போற்றி - வல்லமணர் கூரியகோட் டாவை வரவிடுப்பக் கொல்லேற்றால்

மேல்