கொண்டானது மாடு; கொண்டாள்கண் இருந்தாள் குலமகள்; இரப்பான்! இச்சோற்றை ஏல்; [வி-ரை: தார்தாங்கிச் செல்வது’ -(கு. 767) முதலியன சுப் என்னும் பிரதமை ஏறி நீங்கிய வினைமுற்றுப் பெயராம் என்க. ‘நெறி நின்றார் நீடு வாழ்வார்’ - (கு.6) என உருபு ஏறி நீங்கல் வரும். ‘ஒறுத்தாரை ஒன்றாக வையாரே’ - (கு.155) ‘இரப்பார்க்கு ஒன்று ஈவார்மேல் நிற்கும் புகழ்’ - (கு. 242) என உருபு பெறல் வரும்’’ - பிரயோக விவேகம் 37 உரை.] | 3 | வினைமுற் றுப்பெயர் ஈற்றயல் திரிதல் |
எ-டு: ஊன் தின்பார் - ‘ஊன் தின்பவர்’ -கு. 252 பெண்மை நயவாதான் - ‘பெண்மை நயவாதவன்’ - கு. 147 செய்வான் - ‘செய்பவன்’ - நன்.வினை.1 வேந்துசெறப்பட்டார் - வேந்து செறப்பட்டவர்’ - கு. 895 இவற்றுள் ஈற்றயல் திரிதல் காண்க. [வி-ரை: ‘‘நயவாதான் - செறப்பட்டார் - தின்பார் என நேரே நில்லாமல், ‘பெண்மை நயவாதவன்’ - ‘வேந்து செறப்பட்டவர்’ - ‘ஊன் தின்பவர்’ என ஈற்றயற்கே ரூப பேதம் பொருந்தல் வரும்’’ - பிரயோகவிவேகம் சீ7 உரை.] | 4 | வினைமுற் றுப்பெயர் ஈரெச்ச மாதல் |
எ-டு: நடந்த குதிரைகள். பிறந்த பிள்ளைகள். - இவை அன்பெறா அகரஈற்று அஃறிணைப் பன்மை வினைமுற்றுப் பெயர் பெயரெச்சமானது. |