நாயே னயர்த்தவாறே" என்ற இதனையும் ஒப்பு நோக்குக. இத்திருப்பதிகம் முன்னர் அருளிச்செய்துது போலும்.

திருமூலட்டானம்

1

5

திருச்சிற்றம்பலம்

பதிகக் குறிப்பு :- திருவாரூர்த் திருமூலட்டானத்து எம் செல்வம் தானே எமது பந்தவல்வினைநோய் தீர்த்திட்டான் - ஏழ்கடலும் ஏழ்மலையும் ஆயினான் - என்றும் பிறப்போ டிறப்பில்லாதான் - என் சிந்தைமருள் நீக்கினான் - மாலுக்குச் சக்கரம் அருள் செய்தான் - நன்றருளித் தீதகற்றும் நம்பிரான் - வெள்ளேறு நின்றுலவு கொடியினான் - வஞ்சகர்பா லணுகாத மைந்தன் என்றித் திறங்களா லறியப்படுபவன்.

பதிகப் பாட்டுக் குறிப்பு :- (1) பந்தவல்வினைநோய் - பந்தம் செய்யும் வலிய வினையாகிய நோய். - (2) அக்கு - எலும்பு - வடம். - (3) முகிலனைய கண்டம் - உருவுவமம். பயனுவமமுமாம். - (4) கற்பகம் - வேண்டுவார் வேண்டுவதே ஈயும் தன்மை குறிப்பு. - (5) பிறப்போ டிறப்பென்று மில்லாதான் - பிறப்பிறப்பாதியிர்க்குணமில்லாதவன் (சுலோக பஞ்). மறப்படும் - மறத்தினிற்படும். மறவியிற்பட்ட - மறந்த - அயர்த்த - என்றலுமாம். மருள் நீக்கினான் - நாயனார் சரித அகச்சான்று. வானவரும் அறியாத நெறி - முத்திநெறி. வாராவுலக நெறி. நாளும் வானோர் சிறப்போடு பூசிக்கும் - தேவருலகத்தினின்றும் இங்குப் போந்தமை கருதிகத் தியாகேசப் பெருமானைத் தேவர்கள் இங்குவந்து பூசித்து விழாவும் கொண்டாடும் குறிப்பு. சிறப்பு - விழா. பூசை - நித்தியம். - (6) தருணேந்து சேகரன் - இளைய பிறையைச் சூடியவன். தருணம் - இளமை. இந்து - மதி. தருண இந்து - தருணேந்து என்றாயது வடமொழி முடிபு. - (7) தீதகற்றி நன்றருளும் என மாற்றி உரைத்துக் கொள்க. - (8) பொன் நலத்த - பொன்னிறம் வாய்ந்த. - (9) ஒளி வளர - ஒளி பொருந்த. உலகுக்கு ஒளி தருபவன். புண்டரிகக்கண்ணான் - செந்தாமரைக் கண்ணன். திருமால். பூவின்மேலைப் புத்தேள் - பிரமன். புராணன் - பழமை யுடையோன். குறிப்பு :- இத்திருப்பதிகமும், "ஆர்த் திருமூலட்டான