னாரே" என்றதும், ஆரூர்ப் போற்றித் திருத்தாண்டகப் பதிகமும் திருமூலட்டான நாதரைப் பற்றியன.

1

3

திருச்சிற்றம்பலம்

பதிகக் குறிப்பு :- தமது நெஞ்சினை முன்னிலைப்படுத்தி நன்னெறியை உபதேசிப்பது போலக் கூறி; உலகரை நல்வழிப் படுத்தியது. நெஞ்சே! உனது துன்பங்கள் நீக்குதலை எண்ணுவாயாகில் நித்தலும எமது பெருமானுடைய கோயில்புக்குச் சரியை நெறியில் மாற்றை எண்ணுவாயாகில் நித்தலும் எமது பெருமானுடைய கோயில்புக்குச் சரியை நெறியில் நின்று போற்றி ஆரூரா என்றென்றே கதறு!; ஆரூரானை ஏத்துதலே புண்ணியமும் நன்னெறியுமாவது. பாவங்களைப் பாற்றிப், பரகதிக்குச் செல்லும் பரிசினை வேண்டினால் "உற்றவரும் உறுதுணையும் நீயே; உன்னையல்லா லொருதெய்வ முள்கேன்; ஆரூர" என்றே போற்று; "ஆரூர் எம் ஐயா! கற்பகமே!" என்றென்றே கதறா நிற்பதுவே உஞ்சுபோக வழியாவது. ஆரூரானை ஏத்தினால் பாசத்தைப் பற்றறுக்கலாகும் : அவனை நாடோறும் நவின்றேத்துவாயாக!

பதிகப் பாட்டுக் குறிப்பு :- (1) இடர் - பிறவித்துன்பம்; இம்மையில் வருவன. மேல்வரும் பாட்டில் தீவினைகள் என்றது அவற்றுக்குக் காரணமான முன்னை வினைகளை. - (2) புரந்தரன் - இந்திரன். தோள் துணிந்தது - தக்கன் வேள்வியிற் செய்தது. "இந்திரனைத் தோணெரித்து" (திருவாசகம்). - (3) இத்திருப்பாட்டுச் சிவநெறி நான்கனுள் முதலாவதாகிய சரியையினை நன்கு விளக்குவது. "ஆமாறுன் றிருவடிக்கே" என்ற (சதகம் - 14) திருவாசகமும் காண்க. இதுவே தாசமார்க்கம் - அடிமைநெறி - எனவும்படும். "தாசமார்க்கம் சாற்றில்" (8 - 19) என்ற சிவஞான சித்தியாரும் பார்க்க. இப்பாட்டினை ஒதிப் பயின்று இதன்படி ஒழுகிவரின் யாவரும் சிவாநந்தப் பெரும் பேறுபெறுதல் திண்ணம். - (4) புண்ணியம் - நன்னெறியால் வருவது. நுந்தாத - கெடுதலில்லாத. தூண்ட வேண்டாத என்றலுமாம். "நுந்தாத வொண்சுடரே" (நம்பிகள்). - (5) இழைத்த நாள் - ஒருவனுக்கு அமைக்கப்பட்ட ஆயுள். கடப்பதன்று - ஆயுள் எல்லையினை யாராலும் கடக்கமுடியாது. ஆதலின்