தம்பெருமான் - இறைவர், நாயன்மார்கள் இருவருக்கும் படிக்காசு வைத்துப் பின்னர் அருளும் சரித வரலாற்றுக் குறிப்பு.

உடன் என்பது ஒருங்கே என்பதன்று; இருவரும் என்ற எண்ணுப் பொருள் மட்டும் தந்து நின்றது. இந்நாயன்மார்களது யாத்திரையில் அரசுகள் முன்னர் ஒரு தலத்துக்குச் செல்வதும், பின்னர் அவரைப் பின்பற்றிச் சிவிகையில் பிள்ளையார் அத்தலத்துக்குச்சென்று சேர்வதும் வழக்கு. (திருஞான - புரா - 527 பார்க்க.)

திருவீழிமிழலையினைச் சேர்ந்தார்கள் - என்க. முன் அரசுகளும் பின்னர்ப் பிள்ளையாரும் சேர்ந்ததனால் முறை பிறழவைத்தார். மேல்வரும் பாட்டில் "வீழிமிழலை வந்தணையு மேவு நாவுக் கரசினையும்" என்று முன் வைத்த கருத்தும் இது.

249

திருவாக்கூர்த் தான்றோன்றி மாடம்

1

2

திருச்சிற்றம்பலம்

பதிகக் குறிப்பு :- ஆக்கூரிற் தான்றோன்றி யப்பனாரே, முடித் தாமரையணிந்த மூர்த்தி; கடித்தாமரை யேய்ந்த கண்ணார்; கொடித்தாமரைக் காடே நாடுந் தொண்டர் குற்றேவல் தாமகிழ்ந்த குழகர்; தாம் ஓதிற் றொருநூலுமில்லை (ஆயினும்) - உணரப்படா தொன்றில்லை; ஆதிக் களவாகி நின்றார்; ஆதிரைநாளா வமர்ந்தார்; தீதூர நல்வினையாய் நின்றார்; எண்ணாயிரங் கோடி பேரார்; அடியார் புகலிடம தானார் என்றிவை முதலிய தன்மைகளாலறியப்படுவர்.

பதிகப் பாட்டுக் குறிப்பு :-(1) முடித்தாமரை யணிந்த - முடிகளைத் தாமரை மலர்களாக அணிந்தவர். தலைமாலை சூடியவர். சிவன் ஒருவனே பிராமணன் என்பது வேதம். பிராமணர்களுக்கு அடையாளமாலை தாமரை. "தடங்கொண்டதோர் தாமரைப் பொன்முடி தன்மேல்" (பிள்ளையார் - திருவிடை). முடி - பல ஊழிகளில் இறந்த பிரம விட்டுணுக்களது தலைகள். மூவுலகுந் தாமாகி நின்றார் - விசுவ ரூபன். எல்லாமாய் நிற்பவர். கடித்தாமரை யேய்ந்த கண்ணார் - கண் ஏய்ந்த தாமரையினார் என்று பிரித்துக் கூட்டுக. தாமரை - திருவடித் தாமரை. கண் - சக்கரம் வேண்டித் திருமால் அருச்சித்த கண்; இவ்வாறன்றித் தாமரைபோன்ற கண்ணினராகிய அரியுருவாயிருந்து உலகங் காப்பவர் என்றலுமாம். "அரியாகிக் காப்பார்" (ஞானவுலா); "உலகுகணிலை பெறுவகை நினை வொடுமிகும் அலை கடனடுவறி துயிலமரரி யுருவியல்பரன்" (நட்டபாடை - சிவபுரம் - 2) என்பது பிள்ளையார் தேவாரம். கொடித்தாமரைக் காடே நாடுந் தொண்டர் - அடியிலிருந்து இடைவரையில் இரண்டாகவும், அதன்மேல் உச்சிவரை அவை பின்னிக் கொண்ட வகையில் ஒன்றாகவும், மின்னற் கொடிபோன்ற தத்துவமாகவும்,