விகுதி - வலிந்து கொள்ளப்படுதல் குறிக்க வழங்குவதாயிற்று. -(10) கறு - சினம். நெறுக்கு - ஒலிக்குறிப்பு, இறக்கின்று - சாகும் நாள். "அஞ்செழுத்தும் சாமன்றுரைக்க" (தேவா - நாகை - விருத்). குறிப்பு :- உயிர்கள் சிவனை எப்போதும் மறவாமலிருத்தல் வேண்டும். மறக்கச் செய்வன நோய் - பசிப்பிணி - உணடி - பிறவிச்சூழல் - மரணகால வேதனை முதலியன. அக்காலத்தும் சிவனை மறத்தலாகாது. "நான் அவற்றின் வசமாகி மறக்கநேரினும் நீர் மறவாது என்னைக் குறிக்கொண்டருள வேண்டும்" என்று இறைவனை எப்போதும் பிரார்த்தித்துக்கொள்ளுதல் வேண்டும் என்பது இப்பதிகத்தால் உலகர்க்கு வற்புறுத்தி உபதேசிக்கப்பட்டது. IV திருச்சிற்றம்பலம் | திருக்குறுந்தொகை |
| கரைந்து கைதொழு வாரையுங் காதலன்;
வரைந்து வைதெழு வாரையும் வாடலான்;
நிரந்த பாரிடத் தோடவர் நித்தலும்,
விரைந்து போவது வீழி மிழலைக்கே. |
1 | குழலை யாழ்மொழி யாரிசை வேட்கையால்,
உழலை யாக்கையை யூணு முணர்விலீர்!
தழலை நீர்மடிக் கொள்ளன்மின் சாற்றினோம்,
மிழலை யானடி சாரவிண் ணாள்வரே. |
6 திருச்சிற்றம்பலம் பதிகக் குறிப்பு :- வீழிமிழலை இறைவர் பணிந்தார்க்கும் பணியார்க்கும் எல்லா உயிர்களுக்கும் ஒப்ப அருள்பவர்; அவர் வினைகெடுப்பர்; தம் பிறப்பொடு சாதலை விரியினாரும் வானவரும் அந்தணரும் திருவேடத்தார்களும் வினையிலாரும் அவரைத் தொழுவர்; அவரைக் சார்பவர் விண்ணாள்வர். பதிகப் பாட்டுக் குறிப்பு :- (1) கரைந்து - மனம் கரைந்து உருகி; கரைதல் - சொல்லுதல் என்று கொண்டு, துதித்து என்றலுமாம். வரைந்து - விலக்கி; வைதெழுவார் - உலகாயதர் முதலிய புறச்சமயிகள் பாரிடம் - பூதகணம். -(4) குருக்கேத்திரம் - குருக்ஷேத்திரம். பாடத்தார் - கூட்டத்தாராகிய. பாடத்தாராகிய வேடத்தார். பழிப்பார் பழிப்பல்லதோர் - பழிப்பவர்களாலும் பழிக்கப்படாததாகிய. மூன்றுறனுருபும் சிறப்பும்மையும் தொக்கன. வேடம் - சிவனடியார் திருவேடம்.-(5) விடுத்து - வினைகளின் நீங்கி. -(6) குழலை யாழ் மொழியார் - குழலையும் யாழினையும் ஒத்த மொழியுடைய பெண்கள். ஐகாரம் சாரியை. உழலையாக்கையை - உழலும் உடலை. ஊணும் - பேணுகின்ற என்ற பொருளில் வந்தது. "தழலை மடிக்கொள்ளன்மின்" பழமொழி. தீயை மடியில் வைத்தால் எரித்துவிடும் என் றறியாது வைக்கும் அறிவின்மைபோல. உடலை ஓம்பி நாட்கழித்து மடிதல். -(7) ஆடிய - மஞ்சனம் ஆடியதுபோன்று முழுதும் விரவிய. இப்பாட்டுச் சிவனது வண்ணமும் தன்மையும் கோலமும் அழகுபடக்கூறிற்று. -(8) தம்பிறப்பொடு சாதலை விரியினார் - இறைவனை அடைந்து தமது பிறப்பையும் சாதலையும் நீக்கிககொண்டவர். -(9) காண்டு - காணத்தக்க. -(10) பாலையாழ் - யாழ்வகை; செவ்வழி - பண். மாலை - மாலை சூடிய. மாலைக்காலம் என்றலுமாம். மாலைக்காலம் தேவர் பூசைக்காலம் என்ப. அந்தணர் ஆகுதி - வீழிமிழலை பெரும் மறையோர் வாழ்பதி. -(11) வாழ்கென விட்டதே - வாழ்க. என்று போற்றியவுடன் விரல் ஊன்றுதலை விட்டனர். |