இது திருச்சிராப்பள்ளிக் கோட்டை யென்ற இருப்புப்பாதை நிலையத்தினின்றும் கிழக்கே  நாழியளவில் உள்ளது.

திருக்கற்குடி

3

திருச்சிற்றம்பலம்

பதிகக் குறிப்பு :- வானவர்க்கும் மூத்தவன்; மூவாமேனி முதல்வன்; செய்யான்; வெளியான்; கரியான்; மண்ணதனி லைந்து; மாநீரி னாக்கு; வயங்கு எரியின் மூன்று; மாருதத் திரண்டு; விண்ணதனி லொன்று; விரிகதிர்; தண்மதி; சங்கைதனைத் தவிர்தாண்ட தலைவன்; பரந்தான்; குவிந்தான்; இவ்வுலக மெல்லா முண்டான்; உமிழ்ந்தான்; திரிபுரத்தோர் மூவர்க்குச் செம்மைசெய்த தலையான்; என்றிவை முதலிய தன்மைகளா லறியப்படுகின்ற விழுமியானைக் கற்பகத்தைக் கற்குடியில் கண்ணாரக் கண்டேனானே.

பதிகப் பாட்டுக் குறிப்பு :- வானவர்க்கும் - மூத்தவன் என்க. அக்கரவம் - அக்கும் அரவமும். காத்தவன் - வாராது காத்தவன். (4-வது பாட்டும் பார்க்க). - (2) செய்யான் - வெளியான் - கரியான் - செம்மை - தமதுநிறம்; வெண்மை - அதன் மேற்பூசிய திருநீற்றின் நிறம்; கருமை - பாகமுடைய - அம்மை - திருமால் - இவர்களது நிறம். ஐயான் - அழகியான். ஐ - தெய்வம் என்றலுமாம். - (3) மண்ணதனில் ஐந்தை...ஒன்றை - "மின்னுருவை" (தாண் - புள்ளி - வேளூர் -5) பார்க்க. இறைவன் ஐம்பூத குணங்களில் விளங்கும் நிலையும், எட்டு மூர்த்தியாய் நிற்கும் நிலையும் போற்றப்பட்டன. - (4) சங்கை - மயக்கம். ஐயத்தால் நிகழும் கடை. "சங்கோத்தர விருத்தி". - மதி - மாசுணம் - பகைப் பொருள்கள். - (6) கண்ணவன் - காட்டு முபகாரம் செய்பவன். - (7) உண்டான் - உண்ணுதல் - ஊழியில் தன்னுள் ஒடுக்கும் செயல்; உமிழ்ந்தான் - உமிழ்தல் - அவற்றை மீளவும் தன்னிடத்தினின்றும் உளவாக்கும்செயல்; உபசாரம். "ஒடுங்கி மலத்துளதாம்" (சிவஞான போதம் - 1 - சூத்). - (9) மூவர் - திரிபுரங்களில் இருந்த அன்பர் மூவர். முப்புரமெரித்தபோது. இவர்கள் எரியாமல் உய்ந்தவர்கள். தலையான் - தலைமையுடையோன். "மூவ ருயிர்வாழ முப்புரமு நிறாக, ஏவர் பொருதா ரிமையோரில்" என்றபடி கண்ட இறைமை. கலை - மான்கன்று. - (10) பொழிலான் - பொழில் - உலகங்கள். "ஏழுடையான் பொழில்".

தலவிசேடம் :- கற்குடி - காவிரிக்குத் தென்கரையில் 4-வது தலம். மலைக்கோயில். உய்யக் கொண்டான்மலை என வழங்குவர். ஈழத்தரசன் பூசித்துப் பேறுபெற்ற தலம். குடமுருட்டி யாற்றுக்கு மேற்கில் உள்ளது. (திருக்காட்டுப் பள்ளியில் பிரியும் குடமுருட்டி வேறு). சுவாமி - விழுமியாநாதர்; உச்சிநாதர்; கற்பகநாதர்; அம்மை - அஞ்சனாட்சி; அம்மை சந்நிதிகள் - 2. பதிகம் - 2.)

இது திருச்சி சந்திப்பு நிலையத்தினின்று வடமேற்கில் 1 நாழிகையில் உள்ளது. திருச்சி கோட்டை நிலையத்தினின்று மேற்கே 3 நாழிகையாளவில் அடையலாம். (கற்சாலை வழி.)