(வி-ரை.) ஒற்றியூர் வளநகரத்து ஒளி மணி வீதிகள் - அந்நாளில் திருவொற்றியூர் அரசர்களது தலை நகரங்களுள் ஒன்றாயும் பெரு நகரமாயும் இருந்தது என்பர் சரித ஆராய்ச்சியாளர்.

ஒளி மணி வீதிகள் விளக்கி - முன்னமே ஒளியுடனும் அழகுடனும் இருந்த அவற்றை, மேலும் புதுக்கி விளக்கம் செய்து என்பதை ஒளி - மணி - என்ற அடைகளாற் குறித்தார்.

வீதிகள் விளக்குதலும், கொடி - மாலை - பூகம் - கதலி நாட்டுதலும், குடம் தூபம் தீபம் வைத்தலும் பெரியோர்களை எதிர்கொள்ளச் செய்யும் மங்கல வகைகள்.

வழித்தொண்டர் - திருத்தொண்டின் வழியிலே வந்த பெரியோர். அவர்களே பெருந் திருத்தொண்டராகிய நாயனாராது சிறப்பை யறிந்தவர்களும் எதிர் கொள்ளத் தக்கவர்களுமாம். வழிவழியடியார்கள் என்றலுமாம்.

கொடி மாலை - கொடிகளாகிய மாலை - வரிசைகள் - என்றலுமாம். மற்று அசை. நிரை நாட்டி - நிரைகளை நாட்டுவித்து. நிரையாக - வரிசைபெற - நாட்டு வித்து என்றலுமாம்.

பொற்குடங்கள் - மங்கல நீர் நிறைந்த பொற்குடங்கள்.

கொடுபுக்கார் - வினைமுற்று முன்னாக வைத்தோதினார். அன்பர்களின் ஆர்வத்தையும, வரவேற்ற தொழில் முற்றிய விரைவையும் குறித்தற்கு.

333

334

335

336

337

1599.(இ-ள்.) வெளிப்படை. திருநாவுக்கரசு நாயனாரும் அந்தத் திருவொற்றியூரில் விரும்பி எழுந்தருளிய, பொருதற்குரிய மலையாகிய திண்ணியவில்லையுடைய பெருமானது திருக்கோபுரத்தினை வணங்கி உள்ளே புகுந்து ஒருமைப்பட்ட ஞானத்தையுடைய அத்திருத்தொண்டர்களுடன் மனமுருகி வலமாக வந்து, அடியவர்களுடைய பிறவி என்ற நாமத்தைத் தவிர்க்கும் பெருமானைக் கைதொழுது திருமுன்பு வீழ்ந்து வணங்கினாராய்;

334