இருந்தனபோலும், நின்று தோன்றும் என்றது - உலகமாகிய அண்டம் உருண்டை வடிவினதாதலின் கலங்கள் வரும்போது அவற்றின் உச்சிமட்டும் முன்னர்த் தோன்றி, வரவரப் பின்னர்ச் சிறிது சிறிதாக முழுமையும் தோன்றும் நிலை குறித்தது.- (5) ஒத்து அமைந்த உத்திரநாள் தீர்த்தமாக - ஒத்து - பல நலங்களும் கூடி. உத்திரம் - பங்குனி உத்திரம். தீர்த்தம் - திருப்பெரு விழாவின் தீர்த்தநாள். இறுதி நாள். "தீர்த்தமா மட்ட மீமுன் சீருடை யேழு நாளும், கூத்தராய் வீதி போந்தார் குறுக்கைவீ ரட்ட னாரே" (நேரிசை). -(6) இடியபலி - இடித்த மாவினால் இயன்ற பலிப்பிண்டம். இடிய - இடுதற்குரிய என்பாருமுணடு. வடிவுடையமங்கை - தல அம்மை பெயர். மயிலாப்பு - திருமயிலாபுரி. தீயவாறே என்றது பிரிவாற்றாத காதனோய் மீதூர்தல் குறிப்பு. -(7) எல்லே - பகலே. திரையேறி ஓதம் மீளும் - கடல் அலைகள் தரையில் ஏறி வருதலும், பின், நீர் மட்டும் மீளுதலும் காண்க. -(8) கலைப்பாடும் கண்மலரும் கலக்க - நிலை கலங்கி. கலந்து - அன்பு கலந்து. தன் ஆகத்து என் ஆகம் ஒடுங்கும் வண்ணம் - தழுவும் வகை. உயிர்கள் இறைவன்பால் ஒடுங்குதலும். குறிப்பு. போகலொட்டேன் - "சிக்கெனப் பிடித்தே னெங்கெழுந் தருளுவ தினியே" (திருவா). -(9) இறைவன் உலகில் கலந்து நின்றும் வேறாகி உலகப் பொருள்களல்லா திருக்கும் நிலை குறிக்கப்பட்டது. "ஆனாயும் பெரியாய் நீயே" - "ஆயினும், பெரியரா ரறிவாரவர் பெற்றியே" (திருப்பாசுரம். 2); "பிறவா யாக்கைப் பெரியோன்" -(10) செறிவளைகளொன்றொன்றாச் சென்ற வாறே - காமநோயால் உடல் மெலிய வளை கழல்வன என்றது.

1

திருச்சிற்றம்பலம்

பதிகக் குறிப்பு :- ஒற்றியூருடைய கோவே, கள்ளத்தைக் கழிய நின்றார் காயத்துக் கலந்துநின்று உள்ளத்துள் ஒளியுமாகும்; ஆன்மாவினிடமதாகி உசிர்ப்பெனும் உணர்வின் உள்ளார்; ஞானத்தை விளக்கை ஏற்றி நாடியுள் விரவ வல்லார் ஊனத்தை ஒழிப்பர்; ஏகாந்த மியம்பி நினையுமா நினைக்கின்றார்க்கு உணர்வினோ டிருப்பர்; உள்குவா ருள்ளத் துள்ளார் என்றிவை முதலிய தன்மைகளா லறியப்படுவர்.

பதிகப் பாட்டுக் குறிப்பு :- (1) வேத கீதன் - வேதங்களிலும் கீதங்களிலும் பேசப்படுபவன். மெய்....நின்றார் - உண்மை ஞானத்தால் ஆணவ இருளை அகற்றினோர். கலந்து - அத்துவிதக் கலப்பு. உள்ளத்துள் ஒளி - காட்டு முபகாரம் செய்பவன். உணர்வினோடிருப்பர் (7); உன்னுவார் உள்ளத்துள்ளார் -(8); உள்குவார் உளளத்துள்ளார் ()9) என்பவையும் இருக்கருத்து. -(2) வசிப்பு - வாசித்தல். உலகில் இருத்தல். வானவர்......வேண்டில் - இறைவன் இவ்வுலிடமாக நின்று அதன் அனுபவங்களைத் தானே மேற்கொண்டு தாங்கும் நிலை பெறவேண்டினால். அசிர்ப்பு - அயர்ப்பு என்பது அசிர்ப்பு என வந்தது. வருத்துதல். உசிர்ப்பு - உயிர்ப்பு. "என்னு ளேயுயிர்ப் பாய்ப்புறம் போந்துபுக், கென்னு ளேநிற்கும்" (தேவா). ஆன்மாவின்......உள்ளார் - உயிரை இடமாகக்கொண்டு அதனை இயங்க வைத்து உணரச் செய்கின்றார். -(3) தானத்தை - இவ்வுடலும் உலகமும் இடமாகப் பல கருமங்களையும். வணங்க - வானத்தை - வேண்டில் - வானமும் உங்க