சாமன் றுரைக்கத் தருதி", "அலமந்த போதாக வஞ்சேலென் றருள்செய்வான்" (தேவா) முதலியவை காண்க.

10

திருச்சிற்றம்பலம்

பதிகக் குறிப்பு :- பிரிவாற்றா திரங்கிய தலைவி நாயகனுடைய குணநலன் வடிவம் முதலியவற்றைச் சிந்தித்துச் சிந்தித்துப் பல்லாற்றானும் அவற்றில் ஈடுபட்டுத் தனக்குள் அசதியாடி நயந்த குறிப்பு.

பதிகப் பாட்டுக் குறிப்பு :- (1) செற்று - அடர்த்து - கொன்று. இறைவர் அணிந்த இளம்பிறை அவர் உரித்த களிற்றின் ஒரு கொம்பு போலவும், பிறையினை வளைந்து கிடந்த பாம்பு அந்த யானைக் கொம்பின் பூணாக வளைந்த கிம்புரி போலவும், இவற்றின் கீழே காணும் இறைவரது நெற்றிக்கண் யானைக் கொம்பினின்றும் உதிர்ந்த முத்துப்போலவும் உள்ளன என்றது தற்குறிப்பேற்றந் தழுவிய தொடர்நிலையுவமம். யானை உரித்தபோது அதன் ஒரு கொம்பு ஒடிய, அதினின்றும் முத்துதிர, நின்றமைபோல என்பது உவமை நயம். தலைவன் புகழ் நயந்து கூறியதுமாம். -(2) துயராற்றாது கூறியது. பின் என் கொடுத்தி - பின்பு என்ன கொடுப்பாய்; கொடுப்பதென்னை? உமது கடல் அலைகளால் உந்தப்படும் சங்கு முத்துக்களை வலியக் கரையில் கொணர்ந்து ஏற்றுகிறபோது, நீர் உத்தமராயிருந்தும் வாளா எமது துன்பத்தினைப் பார்த்துக்கொண்டிருத்தல் தகாது என்பது பின் இரண்டடிகளின் குறிப்பு. -(6) பெற்று - பெற்றம் - இடபம். பெரும் பேச்சு - மகா வாக்கியம். உடையான் - அதனாற் பேசப்படும் பெருமையுடையவன். "பெரும் பெயர்க் கடவுள்." விரிசடை அரவுக்கும், திங்கட்கும், கங்கைக்கும், கண்ணிக்கும் சேர்விடமாம் என்க. கண்ணி - தலை மாலை. விற்றுடையான் - விற்றக்குரிய பொருளாக உடையவன். -(7) குன்றரைக் கண்ணன் - குன்றுடைய அரசன். அரைக்கண்ணும் கொடுத்து - அரைப்பாகம் கொடுத்து. குலமகட்பாவை - பார்வதி. ஒன்றரைக் கண்ணன் - மூன்று கண்களில் ஒரு பாதி அம்மையாாக்குக் கூறிட்டுக் கொடுத்தமையால் இறைவர் பாகத்துக்குள்ளது.