(இ-ள்.) வெளிப்படை. அத்தலத்தில் எழுந்தருளியிருக்கும் நாள்களில் பக்கத்தில் உள்ளனவாகிய சிலாலயங்க ளெங்கும்போய், இனிதாக வணங்கித் துதித்து வந்தவராகிய நாயனார், நீர்வளமிக்க திருவொற்றியூரினைத் தொழுது சென்று, உமையம்மையாரை ஒரு பாகத்தில் வைத்த பெருமான் விரும்பி யெழுந்தருளியிருக்கும் திருப்பாசூர் என்னும் தலத்தினை அணைந்தனர்.

(வி-ரை.) உறையும் நாளின் கண் - "பல நாள்கள் வைகினார்" என்று முன் பாட்டிற் கூறியபடி வைகும் நாள்களில்.

அருகுளவாம் சிவாலயங்கள் - இவை வடதிருமுல்லைவாயில், திருக்கள்ளில், புண்ணியகோடீசுவரர் கோயில், ஞாயிறு முதலியன. திருவொற்றியூரி லிருநத் படியே நாயனார் இவற்றுக்குச் சென்று சென்று வணங்சி மீண்டருளியிருந்தனர் என்பதாம்.

இறையருளால் - பின்னர் அவ்வழியே திருக்காளத்தி செல்வதும், அங்கு நின்றும் திருக்கயிலைப் பெரிய யாத்திரை செய்து காட்சி காண்பதும் குறிப்பு.

பொங்கும் புனல் - நீர்வளம் குறித்தது. கடல் வளத்தோடு ஏனை நீர்ச்சிறப்புமுடமை குறிப்பு. "சுற்றிவண் டியாழ்செயுஞ் சோலையுங் காவுந் துதைந் திலங்கு, பெற்றி.....மற்றிது வொப்பத்தில் லிடம்" (திருவிருத்தம்) என்ற தேவாரம் காண்க.

திருவொற்றியூர் தொழுது - ஊர்க்குப்புறம்பே நின்று தலத்தைத் தொழுது. 1594-ம், பிறவும் பார்க்க.

அருகுளவாம் ஆலயங்கள் - என்பதும் பாடம்.

338

340

341

342

343