யிற் காணப்பட்ட தென்பது குறிக்கும். பொய்கை - மானிடராக்காத நீர் நிலை என்ற பண்டையாசிரியர் கூற்று ஈண்டுச் சிந்திக்கற்பாலது. பின்னரும் இப்பெயரால் ஆசிரியர் கூறுதலும் (1636) காண்க. கயிலையில் இருந்த அம்முறைமை(யில்) நம்மைத் திருவையாற்றில் நீ காண் - என்க. அம்முறைமை - அக்கோலத்தில்; அவ்வாறே. பழுதில் சீர்த் திருவையாறு - பழுது இல் சீர் - பழுதினை இல்லையாகச் செய்யும் சிறப்பு. இது திருநந்தி தேவர் இங்குத் தவஞ்செய்து பேறுபெற்றுச் சிவகணங்களுக்கு நாதராம் தன்மையும், சிவ குருமரபுக்கு முதல்வராம் தன்மையும் பெற்றதனாலாகிய சிறப்பு. பழுது - உயிர்களது சகச மலம் என்னும் ஆணவம். திருமலைச் சிறப்பில் ஆசிரியர் இத்தன்மை பற்றித் திருவையாற்றினை அறிவித்தல் இங்குக் கருதத் தக்கது (45). இறைவர் திருக்கயிலைக் காட்சியினை நாயனாருக்குக் காட்டுதற்கு இத்தலத்தினை விளங்கக் கொண்டமைக்கும் இது திருவருட் குறிப்பென்பதும் கருதப்படும். 369 1635. | ஏற்றி னாரரு டலைமிசைக் கொண்டெழுந் திறைஞ்சி
"வேற்று மாகிவிண் ணாகிநின் றார்" மொழி விரும்பி,
ஆற்றல் பெற்றவ ரண்ணலா ரஞ்செழுத் தோதிப்,
பாற்ற டம்புனற் பொய்கையின் மூழ்கினார் பணியால்; |
370 1636. | ஆதி தேவர்தந் திருவருட் பெருமையா ரறிவார்?
போத மாதவர் பனிவரைப் பொய்கையின் மூழ்கி,
மாதொர் பாகனார் மகிழுமை யாற்றிலோர் வாவி
மீது தோன்றிவந் தெழுந்தன ருலகெலாம் வியப்ப. |
371 1635. (இ-ள்.) ஏற்றினார்......இறைஞ்சி - மேற்கண்டவாறு வெளிப்பட்ட ஏற்றினாருடைய திருவருளை முடிமேற் கொண்டு, மேல் எழுந்து வணங்கி; வேற்றுமாகி...விரும்பி - "வேற்றாகி விண்ணாகி நின்றாய் போற்றி" என்று தொடங்கும் திருப்பதிகத்தினால் விருப்பத்துடன் துதித்து; ஆற்றல்...ஓதி - திருவருள் வலிமை பெற்ற நாயனார் இறைவருடைய திருவைந்தெழுத்தை ஓதிக்கொண்டு; பாற்றடம்...பணியால் - பான்மை பெற்ற பெரிய நறுநீர்ப் பொய்கையில் ஆணையினால் மூழ்கினாராக; 371 1636. (இ-ள்.) ஆதி...யார் அறிவார்? - ஆதிதேவராகிய சிவபெருமானது திருவருட் பெருமையினை யாவர் அறியவல்லவர்?; உலகெலாம் வியப்ப - உலகமெல்லாம் வியப்படையும்படி; போதமாதவர் - ஞானத் தவமுனிவராகிய நாயனார்; பனிவரைப் பொய்கையின் மூழ்கி - பனிமலையின் அந்த வாவியில் முழுகி; மாது ஓர் பாகனார் மகிழும் ஐயாற்றில் - உமையம்மையாரை ஒரு பாகத்தில் உடைய சிவபெருமான் மகிழ்ந்து எழுந்தருளியிருக்கும் திருவையாற்றில்; ஓர் வாவிமீது தோன்றி வந்து - ஒரு வாவியின் மேல் தோன்றி வந்து; எழுந்தனர் - எழுந்தார். இந்த இரண்டு பாட்டுக்களும் தொடர்ந்து ஒரு முடிபு கொண்டன. 1635. (வி-ரை.) ஏற்றினார் - ஏறு - இடபவாகனமும் இடபக்கொடியுங் குறீத்தது. துன்பத்துட கிடந்தவரை மேற்கூறியபடி அருட்கை கொடுத்து மேல் ஏற்றினவர் என்ற குறிப்பும் காண்க, பொய்கையுள் மூழ்கி வாவியின் மேல் கரை ஏற்றினார் என்ற குறிப்பும் கருதுக; துணிவுபற்றி ஏற்றுவார் என்பது ஏற்றினார் என இறந்த காலத்திற் கூறினார் என்க. |