11

திருச்சிற்றம்பலம்

பதிகக் குறிப்பு :- அடைவு - புகலாக அடையத் தகுமிடம். பிறவி வேதனைக்கு அஞ்சிய உயிர்கள் வந்தடையு மிடங்கள் சிவபெருமான் வெளிப்பட்டெழுந்தருளி யிருக்கும் திருத்தலங்களேயாம். "நின்னை யடைவாக வுடன்போந்தேன்" (திருஞான - புரா - 475). அத்திருத்தலங்களைத் தொகுத்து வகைப் படுத்தி எடுத்துக் கூறுதலால் இப்பதிகம் இப்பெயர் பெற்றது. வீரட்டான மிவைகூறி நாவி னவின்றுரைப்பார்க்கு நணுகச் சென்றால் நமன்றமரும் சிவன் தமரென் றகல்வர்; போற்ற இடர் போகும்; மலைகள் மற்றும் இடர்கெட நின்றேத்துவோம்; பகர்வோரெல்லாம் பரலோகத்தினிதாகப் பாலிப்பார்.

பதிகப் பாட்டுக் குறிப்பு :- (1) இப்பாட்டுப் பள்ளி என்ற பெயருடைய தலங்களைத் தொகுத்துக் கூறுவது. பள்ளி - தங்குமிடம். கொல்லி அறப்பள்ளி - கொல்லிமலையில் உள்ள அறப்பள்ளி என்ற தலம். "கொல்லி குளிர் அறப்பள்ளி" (க்ஷேத் - கோ - தாண் - 1). இறைவர் - அறப்பளீசர். இது கொங்குநாட்டில் தேவார வைப்புத் தலங்களுள் ஒன்று. பாலிப்பாரே - பாலிக்கப்படுவார்.- (2) இப்பாட்டு வீரட்டானத் தலங்களைத் தொகுத்துக் கூறுவது. கோத்திட்டை - திருப்பரங்குன்றம். இது வீரட்டானங்களுள் ஒன்றன்றாயினும், கோத்திட்டையும் கோவலும் கோயில் கொண்டீர்" (நம்பி - தேவா) என்று இணைத்துப் போற்றப்படுதலால் இத்தொகுதியில் சேர்த்தருளுதற்குரியது. "குடி வீரட்டானம்" என்ற கருத்துமிது. வீரட்டானம் - வீரஞ்செய்த எட்டுத்தலம் என்பதுபொருள். - (3) இப்பாட்டுக் குடி என்ற பேருடைய தலங்களைத் தொகுத்துக் கூறுவது. விடைவாய்க் குடி - இத்தலத்து ஆளுடைய பிள்ளையார் தேவாரப் பதிக முழுமையும் கோயிற் சுவரில் கல்வெட்டினின்றும் எடுத்தெழுதப்பட்டுக் கிடைத்தது. (11-ம் திருமுறையினுள்) ஐயடிகள் அருளிய க்ஷேத்திர வெண்பா - 7-ல் போற்றப்பட்டது. - (4) இப்பாட்டு ஊர் என்று பெயர் வழங்கும் தலங்களைத் தொகுத்துக் கூறுவது. தோழூர் - கொங்கு நாட்டில் உள்ளது. - (5) இப்பாட்டுக் கோயில் என்ற பெயரால் வழங்கப்படும் தலங்களைத் தொகுத்துக் கூறுகின்றது. பெருங்கோயில் - மாடக்கோயில். நன்னிலத்துப் பெருங்கோயில் முதலியவை. இவை 78 என்ப; கோச்செங்கோட்சோழ நாயனார் முன்பிறவி நினைவினால் யானை புகாதபடி இறைவனுக்கு அமைத்தவை. இச்செய்தியை வைணவ ஆழ்வார்களும் போற்றியுள்ளார்கள். கொகுடிக் கோயில் - கொகுடி -