குறிப்பு :- இப்பதிகம் சிவனைச் சாரலுறும் நெறி நான்கனுள் சரியையின் இன்றியமையாச் சிறப்பை வற்புறுத்தி எடுத்துக் கூறுவதுடன் சிவலிங்கதத்துவத்தையும் கூறுவதனால் இப்பெயர் பெற்றது.

பதிகப் பாட்டுக் குறிப்பு :- (1) நக்கு - மகிழ்ந்து; சொக்கு - அழகு. மிக்கு - தம்மறுவி னாற்றலாற் காண்பேம் என்று மேற்சென்று; இருவர் - பிரமாவும் விட்டுணுவும் என்பது 10-வது பாட்டிற் கூறுதல் காண்க. - (2) திலக மண்டலம் - வட்டமாகிய திலகம். பொட்டு. செலவு - மேலும் கீழும் செல்லும் அளவு.- (3) ஆப்பி - பசுவின் சாணம். "திருவலகுந் திருமெழுக்கும் தோண்டியும் கொண்டு" (1333). சுமந்திலர் - கூடையிற் பூ நிறைந்த அளவு காட்டச் சுமந்து என்றார். "நிரம்ப நீர் சுமந்து" (6) என்றது காண்க. "ஸதேஷ்ட ஜலம் அபிஷிச்ய" என்னும் விதியும் காண்க. "பொன்னடியே பரவி நாளும் பூவோடு நீர் சுமக்கும், நின்னடியார்" (நெடுங்களம் - 3).- (7) காணிய - காணும்பொருட்டு. - (9) குவளை மலர் பிளவு செய்து பிணைத்து - குவளை மலர் தொடுக்கும் ஒரு வகை. - (10) சங்கம் விம்ம வாய் வைத்திலர் - "விருப்போடு வெண் சங்க மூதா" (தேவா). - (11) புண்ணிய மூர்த்தியே - புண்ணிய மூர்த்தியாதலின் தாமே அருளினாற்றோன்றினார் என்பது குறிப்பு.

பொது - மனத்தொகை

1

திருச்சிற்றம்பலம்

பதிகக் குறிப்பு :- எந்தை பிரானீரே! நின் திருவுள்ளத்தருள் கொண்டு இருள் நீங்குதல் என் உள்ளத்து உள்ளது.

                           பதிகப் பாட்டுக் குறிப்பு:- (1) உள்ளத்துள்ளது - எனது உள்ளக்கிடக்கை இது ஒன்றே. இதனால் இப்பதிகம் மனத்தொகை எனப்பட்டது. எந்தை பிரானீரே - இப்பதிகத்தின் மகுடம். - (6) அம்மால் - அந்த ஆர்வம் - ஆசை. மால் - ஈண்டு அழுந்திய நல்லார்வத்தின்மேல் நின்றது. - (7) வெப்பத்தின் - தீமையுடைய. செப்பம் - நேர்மை; செப்பத்தாற் சிவன் என்பவர் - சிவன் என்று நேர்மையினாற் கூறுபவர். சிவன் - சித்து என்னும் பொருள் தருதலின் ஆணவத்தே நீக்கி அறிவை விளக்குதலால் சிவன் எனப் பெயர் போந்த தென்பாருமுண்டு. ஒப்ப - முற்றும். - (10) எந்தை எம்பிரான் - "எந்தை பிரானிரே" என்ற மகுடத்தை விளக்கியவாறு. எமது தந்தையும் தலைவரும். "எந்தையே எம்பிரானே" (சித்தத்தொகை - 8).

பொது - சித்தத்தொகை

7