மார்க்கண்டர்; நெடுமூக்கு - துதிக்கை; - (9) இப்பாட்டுத் தக்க யாக அழிவு பற்றி இறைவரது வீரங்களை எடுத்துக் கூறுவது. எச்சன் - யாகதேவதை - யாகஞ் செய்வோன். பகன் - 12 சூரியர்களுள் ஒருவன்; இரவி - அவர்களுள் மற்றுமொருவனாகிய பூஷன். "பகநேத்ரபிதே நம: பூஷதந்தபிதே நம."சிவாஷ் டோத்திர சதம். வியாத்திரன் - தொழினடத்துவோன். மெச்சன் - விரும்பி வைக்கப் பட்டவனாகிய; அங்கி - தீக்கடவுள். அருளும் - அழித்ததனுடன் அருளும் என உம்மை இறந்தது தழுவியது. அருளாவது யாகத்தை அழித்தபின் அவ்வவர்க்கும் செய்த அருளிப்பாடுகள்.-(10) ஒருக்கி - தம்பால் ஒருமுகப்படுத்தி; - (11) அராவும் மதியமும்; குடமுழ நந்தீசனை வாசகனாக் கொண்டார் - வாசகன் - மாணிக்கவாசகர். நந்தி பெருமான் பின்னர் மணிவாசகராக அவதரித்தார் என்ற வரலாறு குறித்தது. ¹திருந்த - முன்னர் கிழக்கு நோக்கியிருந்தவர் சோழனும் உலகமும் கண்டு திருந்தும் பொருட்டு மேற்கு நோக்கி என்பது. சிராமலைத் தலவரலாற்றுக் குறிப்பு. தென்றல் நெடுந்தேரோன் - மன்மதன். பொன்றக் கொண்டார் - முன்னர்ப் பொன்றவும் பின்னர் உயிர் பெறவும் வைத்தார். "முடிநெரி தர, விருவகை விரனிறுவியவர்" (வியாழக்குறி - இடைமருது - (8). பேர் இயம்பக் கொண்டார்; அதனோடு, அதன் பொருட்டுத் தமக்குக் கிடைத்த பிறவியாகிய இடரும் சூலை நோயும் என்ற நாயனாரது முன் வரலாற்றுக் குறிப்பும்பட நின்றது. கூற்றாயினவாறு என்ற பதிகப் பாட்டுக் குறிப்புப் பார்க்க. (பக் - 87).

பொது - க்ஷேத்திரக்கோவைத் திருத்தாண்டகம்

10

திருச்சிற்றம்பலம்

பதிகக் குறிப்பு :- சிவபெருமான் வெளிப்பட எழுந்தருளியுள்ள தலங்களை வாழ்த்தியது. தலங்களை வாழ்த்துதலாவது அத்தலங்களின் கோயில்களையே சிவனெனக்கண்டு வணங்குதல். "ஆலயந் தானு மரனெத் தொழுமே" (சிவஞான போதம் - 12 - சூத்). "எத்தானத்தும் நிலவுபல கோயில் கண்டால் - கயிலாய நாதனையே காணலாமே" என்று பதிகத்தை முடித்துக் காட்டியருளியது இக்கருத்து. "மன்றுறைவார் வாழ்பதிகள் வழுத்து திருத்தாண்டகமும்" என்று இப்பதிகக் கருத்தினை ஆசிரியர் காட்டியருளியதும் காண்க. "ஆலயந் தொழு" ஒளவை).