1812. | கடிதுவந் "தமுது செய்யக் காலந்தாழ்க் கின்ற"தென்றே
அடிசிலுங் கறியு மெல்லா மழகுற வணைய வைத்துப்,
படியில்சீர்த்தொண்ட னார்முன் பணிந்தெழுந் "தமுதுசெய்தெங்
குடிமுழு துய்யக் கொள்வீ" ரென்றவர் கூறக் கேட்டு, |
30 1813. | அருந்தவ ரெழுந்து செய்ய வடியிணை விளக்கி, வேறோர்
திருந்து மாசனத்தி லேறிப், பரிகலந் திருத்து முன்னர்,
இருந்து வெண் ணீறு சாத்தி யியல்புடை யிருவ ருக்கும்
பொருந்திய நீறு நல்கிப் புதல்வர்க்கு மளிக்கும் போழ்தில், |
31 1814. | ஆதிநான் மறைநூல் வாய்மை யப்பூதி யாரை நோக்கிக்
"காதலா லிவர்க்கு மூத்த சேயையுங் காட்டு முன்னே
மேதகு பூதி சாத்த" வென்றலும் விளைந்த தன்மை
யாதுமொன் ருரையா "ரிப்போ திங்கவ னுதவா" னென்றார். |
32 1812. (இ-ள்.) கடிதுவந்து - விரைவாக வந்து; அமுது...என்றே - அமுது செய்யக்காலதாமதம் நேரிடுகின்றதென்று உட்கொண்டு; அடிசிலும்...வைத்து - அடிசிலும் கறிகளும் முதலிய எல்லாவற்றையும் அணிபெற ஒழுங்காகப் பக்கத்தில் அமைத்துக்கொண்டு அதன்பின்; படியில்....கூற - ஒப்பற்ற சிறப்புடைய தொண்டர்பெருமான் றிருமுன்பு விழுந்து பணிந்து எழுந்து நின்று, "திருவமுது செய்து எமது குடிமுழுதும் உய்யும்படி ஆட்கொண்டருள வேண்டும்" என்று அவர் சொல்ல; கேட்டு - (திருநாவுக்கரசர்) அதனைக் கேட்டு, 30 1813. (இ-ள்.) அருந்தவர்...ஏறி - அருந்தவராகிய அவர் எழுந்து செம்மை பொருந்திய திருவடிகளை விளக்கிக்கொண்டு மற்றொரு திருந்தும் ஆசனத்தில் ஏறி; பரிகலம் திருத்து முன்னர் - அவர்கள் பரிகலத்தைத் திருத்தி விதிப்படி அமைப்பதற்கு முன்னர்; இருந்து...போழ்தில் - அந்த ஆசனத்தில் அமர்ந்து தாம் திருவெண்ணீற்றினைச் சாத்தி, இயல்பின் நின்ற அப்பூதியாருக்கும்அவர் மனைவியார்க்கும் பொருந்திய திருநீற்றினை அளித்துப், புதல்வர்களுக்கும் திருநீற்றினை அளிக்கும்போது, 31 1814. (இ-ள்.) ஆதி....நோக்கி - ஆதி நான்மறைகளினும் நூல்களினும் பயின்ற வாய்மைச் சீலமுடைய அப்பூதியாரை நோக்கி; காதலால்...என்றலும் - காதலினாலே இவர்க்கு மூத்த பிள்ளையையும் முன்னே மேதகு திருநீறு சாத்துதற்குக் காட்டுவீராக!" என்று அரசுகள் சொல்லவும்; விளைந்த...என்றார் - நிகழ்ந்த செயல்களொன்றினையும் சிறிதும் வெளிப்பட எடுத்து உரையாதவராகி "இப்போது இங்கு அவன் உதவமாட்டான்" என்று சொன்னார். 32 இந்த மூன்று பாட்டுக்களும் தொடர்ந்து ஒரு முடிபு கொண்டன. 1812. (வி-ரை.) கடிது வந்து - என்றே - எல்லாம் அணையவைத்து - "தொண்டனார்பால் - வந்தார்" என முன்பாட்டிற் கூறியது, புறமனை முன்றிற் பாங்கோர் புடையினின்றும் தொண்டரை நோக்கி வந்தமை குறித்தது. இங்கு வந்து என்றது மனையினுள் அடிசில் அமைத்த இடத்துக்கு வந்தமை குறித்தது. "அமுது.....தாழ்க்கின்றது" என்றே - அரசுகளைக் கண்டுகொண்டு பின் இசைவு பெற்று அறுசுவை அமுது ஆக்கவும், பின்னர்ப் புதல்வனது நிகழ்ச்சியமையவும், என்றிவ்வாறு பலவாற்றாலும் நெடுநேரம் சென்று விட்டமையால் மேலும் காலத் |