செய்தார் - என்ற பாடம் பிழை. 1825. (வி-ரை.) அப்பூதி - அடிமையைத் சிறப்பித்துச் "சொன் மாலை" வேய்ந்த - சொன் மாலை - இத் தொடக்கமுடைய திருப்பதிக முதற் குறிப்பு. "சொன் மாலை" என்று தொடங்கும் பதிகம் என்க. முன்னரும் இக் கருத்தே பற்றித் "தீந்தமிழின் தொடை மாலைச் "சொன்மாலை" பாடினார்" (1476) என்றமை காண்க. சொன்மாலை - பதிகத் தொடக்கத்துக்கும் பதிகத்துக்கும் இரட்டுற மொழிந்து கொள்க. சொன் மாலை வேய்ந்த - பதிகத்தைத் தொடுத்துச் சாத்திய, மாலை என்றதற் கேற்ப வேய்ந்த என்றார். வேய்ந்த இப்பூதி - வேய்ந்ததாகிய இப்பெருஞ் செல்வம். நல்லோர் - அப்பூதியடிகள். பூதிபெற்ற நல்லோர் - பாதம் செப்பும் ஊதியம் கைக் கொண்டார் என்க. பூதி பெற்ற - பெற்றமையால் என்று காரணப் பொருட்டாகக் கொள்ள நின்றது. அரசுகள் திருப்பதிகத்தினுள் அடிமையைச் சிறப்பிக்கும் அருட் பூதியாகிய ஆசிபெற்றதனால் குருவருளை மறவாது சிந்திக்கும் ஊதியம் பெறலாயினர். "அவனருளாலே அவன்றாள் வணங்கி" என்றநிலை குருவினுக்கும் ஒக்கும். ஊதியம் - பெருஞ் செல்வம்பெற்ற பயன். இப்பாட்டிற்குப் பிறர் எல்லாம் தத்தமக்கு வேண்டியவாறே யுரைத்தனர். செப்புதல் - போற்றுதல்; "ஏத்தி" (1826) என்பது காண்க. கை கொள்ளுதல் - திண்ணமாக - உறுதியாகப் - பிடித்தல்; விடாது பற்றி ஒழுகுதல். பாதம் - கைக்கொண்டார் - என்ற நயமும் காண்க. 43 1826. | இவ்வகை யரசி னாம மேத்தி,"யெப் பொருளு நாளும்
அவ்வருந் தவர்பொற் றாளே" யெனவுணர்ந் தடைவார், செல்லுஞ்
செவ்விய நெறிய தாகத், திருத்தில்லை மன்று ளாடும்
நவ்வியங் கண்ணாள் பங்கர் நற்கழ னண்ணி னாரே. |
44 (இ-ள்.) இவ்வகை...ஏத்தி - இவ்வகையாகத் திருநாவுக்கரசரது திருநாமத்தையே துதித்துக்கொண்டு; எப்பொருளும்....அடைவார் - "அடைய வேண்டிய உறுதிப்பொருள் எல்லாம் எந்நாளும் அந்த அருந்தவரின் பொற்பாதங்களேயாம்" என்று உணர்ந்து அவற்றையே அடைவாராகி; செல்லும் செவ்விய நெறி அது ஆக - செல்கின்ற செம்மையாகிய வழி அதுவேயாகக் கொண்டு, திருத்தில்லை.....நண்ணினார் - திருத்தில்லை யம்பலத்தில் ஆடுகின்ற, மான் போன்ற அழகிய கண்களையுடைய உமாதேவியாரது பாகத்தை யுடையவரின் நல்ல பாதங்களை அடைந்தனர். (வி-ரை.) அரசின் நாமம் இவ்வகை ஏத்தி என்க; இவ்வகை - எல்லையில்...பாதம் என்று முன்பாட்டிற் கூறியபடி; முன்பாட்டில் பாதம் செப்பும் ஊதியம் கைக் கொண்டார் என்றதனை ஏத்தி என்று விளக்கம் செய்தார். எப்பொருளும் - இறைவர் வழிபாடும், பாச நீக்கமும், சிவப்பேறுமாகிய வீடுபேறும் முதலிய எல்லா உறுதிப் பொருள்களும். நாளூம் - எந்நாளும். இன்பிலும் துன்பிலும், வாழ்விலும் சாவிலும், முதலிய எக் காலத்தும்; விழிப்பு - உறக்கம் முதலிய எந்நிலையிலும். தாளே எப்பொருளும் - ஆவன - என்று ஆக்கச் சொல் வருவிக்க. |