அருள் செய்தார் - முனிவில்லாது அளியோடும் கூறினார் என்பது, வரும் பாட்டிலும் "அருள் செய்ய", என்றது காண்க.

93

மறுமாற்றத் திருத்தாண்டகம்

திருச்சிற்றம்பலம்

1

10

பதிகக் குறிப்பு :- சிவபெருமானுக்கே ஆட்பட்டோம்; வேறு யாவர்க்கும் குடியல்லோம்; ஆமாறுநீர் அழைக்கும் அடைவு இல்லோம் என்பது ஆசிரியரால் 1358-ல் காட்டப்பட்டது.

பதிகப் பாட்டுக் குறிப்பு:- (1) நமனை அஞ்சோம். அரசனாணையை மறுத்தமைக்குக் காரணங் கூறியபடி. நமனை உதைத்த இறைவனை அடைந்தமையால் அஞ்சோம என்றார். நரகத்தில் இடர்ப்படுதல் அரசாணைக்குத் தப்பினோர்க்கு உண்டென்பர்; அது நமக்கில்லை. நடலையில்லாமை அதற்குக் காரணங் கூறியபடி. ஏமாப்போம் - சிவனது பெருங்காவல் பெற்றோம். பிணி - பிணிப்பு; கட்டு, எந்நாளும் - முற்றும்மை நிகழ்கால எதிர்காலங்கள்குறித்தது. "இனியேதுங் குறைவிலோம்" என்றது காண்க. தாமார்க்கும்....சங்கரன் - தம்பிரான் - இன்பஞ் செய்பவன். இன்பமே - துன்பமில்லை என்றதற்குக் காரணங் கூறியபடி. கோமான் - அவனே அரசர்க்கெல்லாமரசன். நீவிர் கொண்டவர் யாவரும் அரசரல்லர். ஏகாரம் பிரிநிலை. தேற்றமுமாம். குறுகினோம் - வந்தடைந்தோம். சரிதக் குறிப்பு. -(2) அகலிடமே...புரட்டாள். - பரப்புடைய நிலம் முழுதும் எமது இடம், ஊர்கள் தோறும் சமைத்துண்பவர்கள் கூவிப் பிறருக்கும் உணவு இட்டு உண்பர். பிச்சை யேற்பவர்கு இல்லை யென்னாது இடுவர். பொது மன்றங்கள் யாவும் எமக்குத் தங்குமிடம். நிலத்திற் படுத்துறங்குவோம்; பூமிதேவி எம்மை மறுக்கமாட்டாள். "ஊரெலா மட்டசோறு நம்மதே யுவரிசூழ்ந்த பாரெலாம் பாயல்" என்ற திருவிளையாடற் புராணம் (வாத - உப - பட) இக்கருத்தைப் பற்றி எழுந்தது. இப்பாட்டு நாயனாரது முழுத்துறவாகிய மனநிலையை விளக்குவதாம். அம்பலம் - பொதியில் - ஊர்மன்றங்கள். இகலுடைய விடை - அடையலரைச் செறும் இடபம், "அரண்முரண் ஏறு," ஏன்று கொண்டான் - எம்மை ஏற்று ஆட்கொண்டான்,