இத்தலம் திருத்தூங்கானை மாடம் என்னும் பெண்ணாகடத்தினின்றும் (இருப்புப் பாதை நிலையம் - விழுப்புரம் - திருச்சி வழி) தென்மேற்கே மட்சாலைவழி நான்கு நாழிகையளவில் அடையத் தக்கது.

திருமுதுகுன்றம்

1

4

திருச்சிற்றம்பலம்

பதிகக் குறிப்பு :- திருமுதுகுன்றினை உடைய சிவபெருமானைத் தீவினையினால் முன்னம் அறியாமல் திகைத்துத் திரிந்தவாறுதான் என்னே! என்றிரங்கியது. பழம் பொருட்கெல்லாம் பழைமையாய் நின்ற அவரையும் அறியாதிருந்தது எனது தீவினையும் அறியாமையும் ஆகியவற்றின் மிகுதி என்று எண்ணிய ஆற்றாமை.

பதிகப் பாட்டுக் குறிப்பு :- (1) கருமணி - கரு ஈன்ற மணி, உலகுயிர்கள் யாவும் தன்னுள் ஒடுங்க வைத்துப் பின் விரிப்பவன். "ஊன் கருவின் உண்ணின்ற சோதி" (4) என்ற கருத்தும் காண்க. ஆற்ற - மிகவும்.-(2) பேணி வாங்குதலாவது தமது கருணையினுள் வைத்து வினையறுத்தல். வாங்குதல் - நீக்குதல். தன்னைப் பேணும் ஆன்மாக்களின் வினைகளைத் தான் வாங்கிக்கொண்டு தனது சிவானந்த நிலையை அவர்களுக்குத் தருபவன் என்றலுமாம். "வைச்சு வாங்குவாய்" திருவாசகம். "பசுபோதக் கவளமிடக் களித்துண்டு கருணை யென்னும் வெள்ளமதம் பொழி" என்றது காண்க.-(3) பத்தனாய்...பயில்வித்தானை - நாயனாரது சரிதக்குறிப்பு. பன்னாட் பாமாலை பாடப் பயில்வித்தான் என்பது நாயனாரது மிக மூத்த வயதினையும், அவர்தந் திருவாக்குக்கள் இறைவன் உண்ணின்று உணர்த்தப் பாடுவித்தவை என்பதனையும் உணர்த்துவதாம்.- (4) தான் தெரிந்த ஆளாக்கொண்டு திருவடியென் தலைமேல் வைத்த - குருமூர்த்தமாய்த் தம்மை ஆட்கொண்ட நிலை குறித்தது. திருநல்லூரில் திருவடி சூட்டப்பெற்ற வரலாறு பின்னர் நிகழ்வதாகும்.- (5) தொண்டர்க் கங்கங்கே அறுசமயமாகி - தொண்டர்களின் பக்குவபேதம் நோக்கி அறுவகையாகிய சமயங்களுள் நின்று ஆட்கொள்பவன். "ஆறு சமயத் தவரவரைத் தேற்றுந் தகையன" .- (6) விழவொலி - அறிவுடைய ஞான ஒலி. விண்ணொலி - பூதவொலி. கழல் ஒலி - இறைவனது திருவடிச்சிலம்பு. கைவளை - கூடநின்ற இறைவியாரது கைவளை.- (7) காத்தானை ஐம்புல