177

1440. (இ-ள்.) "அரியானை" என்று ... தமிழ்பாடி - அரியானை என்று தொடங்கி, அடியவர்களுக்கு எளியவராகிய சிவபெருமானை, அந்த அடியவர் மனத்தினின்றும் பிரியாத பெரிய திருத்தாண்டகமாகிய செந்தமிழ்ப் பதிகத்தைப்பாடி; பிறங்குசோதி விரியாநின்று எவ்வுலகும் விளங்கிய பொன் அம்பலத்து மேவி ஆடல் புரியா நின்றவர் தம்மை - விளங்கும் ஒளி விரிகின்றமையாலே எல்லாவுலகங்களிலும் நிறைந்து விளங்கிய பொன்னம்பலத்திலே பொருந்தி அருட்கூத்தாடுகின்ற பெருமானை; பணிந்து ... செய்வார் - வணங்கித் தமிழ்ப் பதிகத்தால் மேலும் போற்றுவாராய்.

175

1441. (இ-ள்.) செஞ்சடை ... பாடி - "செஞ்சடைக்கற்றை முற்றத் திளநிலா எறிக்கும" என்று தொடங்கும் சிறப்புடைய வாய்மையாகிய அழகிய சொற்களாலான வளமுடைய தமிழ்ப் பதிகத்தினை அதிசயமாம்படி பாடி; அன்பு சூழ்ந்த நெஞ்சுருக - அன்பினால் சூழ்ந்துகொள்ளப்பட்ட மனம் கரைந்துருக (அதனாலே); வார் புனல் பொழி கண்ணினையும் - வார்ந்த மழைபோன்ற நீர்பொழிகின்ற இரண்டு திருக்கண்களும்; பரவியசொல் நிறைந்த வாயும் - சிவபெருமானைத் துதிக்கின்ற பதிகச்சொல் நிறைந்த திருவாயும்; தம் செயலின் ஒழியாத திருப்பணியும் - தமது செய்கையில் நீங்காத திருவுழவாரத் திருப்பணியும்; மாறாது சாரும் நாளில் - மாறாமல் இவ்வாறு சிவச்சார்பினிற்கும் நாட்களில்;

176

1442. (இ-ள்.) கடையுகத்தில் ... திருவருளால் - உகக் கடைநாளில் பொங்கி எழும் கடல் வெள்ளத்தில் மேலே மிதந்த திருக்கழுமலத்தில் எழுந்தருளியிருந்த செங்கண் விடையினை ஊர்தியாக உடைய தோணியப்பருடைய திருவருளினாலே; வெற்பு அரையன் பாவை - திருமலையரசன் மகளாராகிய பெரிய நாயகியார்; திருமுலைப்பாலோடும் அடைய நிறை சிவம்பெருக வளர்ஞானம் குழைத்து ஊட்ட - அடைய நிறைகின்ற சிவம் பெருகும்படி வளரும் ஞானத்தைத் தமது திருமுலைப்பாலுடனே குழைத்து ஊட்ட; அமுது செய்த உடைய மறைப் பிள்ளையார் திருவார்த்தை- உண்டருளிய ஆளுடைய மறைப்பிள்ளையாரது திருவரலாற்றினை; அடியார்கள் உரைப்பக் கேட்டார் - அடியார்கள் சொல்லக் கேட்டருளினார்.

177

இந்த மூன்று பாட்டுக்களும் தொடர்ந்து ஒரு முடிபு கொண்டன.