190

1451. (இ-ள்.) வண்டு பயில் பண் அறை சோலை சூழ் காழி - வண்டுகள் முன் பயின்ற பண்கைளப் பாடும் சோலைகளாற் சூழப்பெற்ற சீகாழியில் எழுந்தருளியிருக்கும்; பரமர் ...... எல்லை - இறைவனார் திருவுருவாகிய திருக்கோபுரத்தைப் பணிந்து திருக்கோயிலுக்குள் புகுந்து, விண்பணியும் படி ஓங்கும் பெரிய விமானத்தை வலமாகச் சூழ்ந்துவந்து தொழுது கீழேவீழ்ந்து வணங்கி எழுந்தபோது; சண்பைவரு பிள்ளையார் - சீகாழியில் அவதரித்த ஆளுடைய பிள்ளையார்; "அப்பர்! நீர் உங்கள் தம்பிரானாரைப் பாடீர்!" என்ன - அப்பரே! நீர் உங்களுடைய பெருமானைப் பாடுவீராக! என்று சொல்ல; அரசு - அதுகேட்ட திருநாவுக்கரசு நாயனாரும்; பயிலும் புனல் கண் பொழிய - பெருகிய நீரைக் கண்கள் பொழியவும்; கலைபயிலும் வாய்மை மொழி (வாய்) பொழிய - வாய்மைக் கலைகளிற் பொருந்திய மெய்த் திருமொழிகளை வாய் பொழியவும்; கசிந்து - மனம் உருகி; பாடி - பாடி,

186

1452. (இ-ள்.) பெரிய பெருமாட்டியுடன் ... நின்று - பெரியநாயகி யம்மையாருடன் திருத்தோணியில் விரும்பி வீற்றிருந்தருளும் தோணியப்பருடைய திரு முன்பு நின்று; பரிவுறு ...... போற்றி - அன்பு கூரும் செந்தமிழ் மாலையாகப் பத்தியோடும் "பார்கொண்டு மூடி" என்று தொடங்கும் திருப்பதிகத்தினாற்றுதித்து; அரியவகை ...... அமுது செய்து - அங்கிருந்து நீங்குதற்கரிய வகையாலே வெளியிற்போந்து ஆளுடைய பிள்ளையாருடைய திருமடத்தில் எழுந்தருளி அமுது செய்து; மருவிய நண்பு உறு கேண்மை யற்றை நாள் போல் வளர்ந்து ஓங்க - பொருந்திய நண்புடன் கூடிய கேண்மையானது அன்றுபோலவே பின் என்றைக்கும வளர்ந்தோங்கும்படி; உடன் - உடனாக; பலநாள் வைகும் நாளில் - பலநாட்கள் இருந்த காலத்தில்,

187

1453. (இ-ள்.) அத்தன்மை ... நாளில் - அந்தத் தன்மையிற் பயின்ற அரசுகளும் ஆளுடைய பிள்ளையாரும் ஒருவரோடொருவர் அளவளாவியதனாற் பெற்ற மகிழ்ச்சி அளவில்லாது பெருகிய மனமகிழ்ச்சியுடனே செல்லும் நாட்களில்; மை தழையும் மணி மிடற்றார் பொன்னி நாட்டு மன்னிய தானங்கள் எல்லாம் வணங்கிப் போற்ற - விடம் தழையும் அழகிய கண்டத்தையுடைய சிவபெருமான் காவிரி சூழ்ந்த சோழ நாட்டில் நிலைபெற எழுந்தருளிய தானங்களை யெல்லாம் வணங்கித் துதிக்கவேண்டும் என்று; திருநாவுக்கரசு தமது திருவுள்ளம் தன்னில் மெய்த்து எழுந்த பெரும் காதல் - திருநாவுக்கரசு நாயனாரது திருவுள்ளத்தில் உண்மைத் திறத்தினால் நிறைந்து மேல் எழுந்த பெருங்காதலினை; பிள்ளையார்க்கு விளம்புதலும் - ஆளுடைய பிள்ளையார்க்கு எடுத்துச் சொல்லுதலும்; அவரும் அதுமேவி. நேர்வார் - அவரும் அதனையே திருவுள்ளம் பொருந்தி ஒப்புக் கொள்வாராய்;

188